Mu19 May 2022, ba-United Nations Security Council bakamvwa lipoti kuzwa kuli balupati-pati bayinda ku75 kabaamba kuti “munyika yoonse kwakaba penzi lyanzala alubo penzi eeli lyakayungizya loko akaambo kabulwazi bwakkorona akuchincha kwabwiime bwakunze. Aajulu aazintu eezi, nkondo ilikuchitika ku-Ukraine yapa kuti penzi eeli lyiindilile biya kubija munyika yoonse.” Alubo, umwi uulanga-langa zyabunoti bwamunyika wakaamba kuti “nkondo ilikupa kuti penzi lyanzala likomene loko munyika yoonse.” Bbayibbili lyakali lyaambilizya kuti muchiindi nchitulikupona kuzooba penzi lyanzala alubo litupa malayilile aakonzya kutugwasya kuti tulisimye muziindi eezi.

•   Jesu wakapolofita kuti: “Chisi chizoobukila chimwi chisi, alubo kuzooba nzala.”—Mateyo 24:7.

•   Bbuku lyaChiyubunuzyo lipandulula basikutanta mabbiza bakukozyanisya bali 4. Umwi sikutanta bbiza wiiminina nkondo. Mpawo utobelwa aawumwi wiiminina nzala. Alubo sikutanta bbiza ooyu utondeezya chiindi aawo chakulya nichiyoopimwa akuuzigwa aamuulo ulaajulu loko. “Ndakabona bbiza lisiya, alubo ooyo wakakkede aalindilyo wakajisi chikkelo mukuboko kwakwe. Ndakamvwa chintu chakali kumvwikka mbuli jwi . . . kachiti: ‘Lita lyawiiti lilawulwa adinari limwi alubo malita aatatu aabbali alawulwa adinari limwi.’”—Chiyubunuzyo 6:5, 6.

 Bupolofita oobu bwamuBbayibbili buli atala apenzi lyanzala bulikuzuzikizigwa muchiindi eechino chaambwa aaBbayibbili kuti ‘mazuba aakumamanino.’ (2 Timoti 3:1) Kuti uyiye zyiingi atala ‘amazuba aakumamanino’ abasikutanta mabbiza baambidwe muli Chiyubunuzyo, yebela vidiyo itii, Nyika Yakacinca Kuzwa mu 1914 alubo ubale chiiyo chiti, “Basimabbiza Bone—Ino Mbaani?”

•   Bbayibbili litupa malayilile aakonzya kutugwasya kuti tulisimye muziindi ziyumu mbuli penzi lyakudula kwachakulya naakuti penzi lyanzala. Bona zimwi zikozyano muchiiyo chitii, “Mbomukonzya Kuubya-ubya Bukkale Bwanu.”

•   Alubo Bbayibbili litupa bulangilizi bwakuti zintu zizoobota kunembo. Litusyomezya kuti kuchiindi chilikunembo “kuyooba maila manji anyika” alubo muntu woonse uuyoolya kufumbwa chakulya nchayanda. (Intembauzyo 72:16) Kuti uyiye zyiingi atala abulangilizi bwabuumi mbubuyooba kunembo akuti nkamboonzi nweelede kusyoma Bbayibbili, bala chiiyo chitii, “Bulangizi Bwini-bwini Bwabuumi Bubotu Kumbele.”