Kweendelana akuyanduulisisya kwakachitwa munyika yoonse, a muntu uumwi aakati kabantu bali 4 ulaapenzi lyakulendelelwa.

•   “Kufumbwa muntu kazitakwe ndaba kuti muniini naakuti mupati akuti ukkala kuli ulakonzya kuba aapenzi lyakulendelelwa.”—Chido Mpemba, cochair of the World Health Organization’s Commission on Social Connection.

 Bamwi bayeeya kuti bantu bakomena naakuti aabo bakkala abalikke mbabo kupela balendelelwa. Pesi baniini, bali aamibili iisimide, banotede abali mulukwatano balakonzya kulendelelwa ambabo. Kulitantamuna akulendelelwa kulakonzya kupambanisya muntu kumubili nikuba mumizeezo.

•   “Kulendelelwa kuswaanizya zyiingi kutali kulimvwa kubbowenkene kupela,” akaambwa aa Dr. Vivek Murthy, U.S. surgeon general. Wakayungizya kwaamba kuti: “Muntu uulintantamuna kuli bamwi nga ulikupambanisya buumi bwakwe mbuli zichitwa aamuntu uufwepa tundundu tuli 12 mubuzuba bumwi.”

 Mulengi wesu tayandi pe kuti tulitantamune. Makanze aaLeza ngakuti bantu babotelwe kabalaamwi abamwi.

•   Malayilile aamuBbbayibbili: “Leza wakati: ‘Tacili kabotu kuti muntu kakkala alikke.’”—Matalikilo 2:18.

 Leza uyanda kuti tumvwanane aanguwe. Utusyomezya kuti ulaswena aafwiifwi andiswe kuti twabweza ntaamu yakuswena kuli nguwe.—Jakkobo 4:8.

•   Malayilile aamuBbbayibbili: “Balabotelwa aabo bazi kuti beelede kuzulwidwa aaLeza, nkaambo Bwaami bwakujulu mbubwabo.”—Mateyo 5:3.

 Leza uyanda kuti tumukombe katuli aamwi abamwi. Kuchita oobo kupa kuti tubotelwe.

•   Malayilile aamuBbbayibbili: “Atuyeeyane, kuchitila kuti tusungwaazyanie kuba aaluyando akuchita milimu mibotu, tutaleki pe kubunganaamwi, . . . pesi tusungwaazyanie.”—Mahebberu 10:24, 25.

 Kuti ujane makani miingi atala ambukonzya kulwana penzi lyakulendelelwa, bala chiiyo chiti “Kulendelelwa Munyika Iizwide Mincini.”