Leza Ulaandaba Anduwe
Bbayibbili lilaamalayilile atugwasya nkaambo lizwa kuli Leza. Teebbuku lyabusilisi pe, pesi lilaamalayilile akonzya kutugwasya chiindi nituli muzyiimo zikataazya achiindi nitukataazikene mumizeezo.
Kwiinda zyoonse, Bbayibbili litubuzya kuti Mulengi wesu Jehova Leza, a ulayimvwisisisya nzila njituyeeyaayo ambutulimvwa kwiinda bantu boonse. Ulilibambilide kutugwasya muzintu zyoonse nzituswaana. Muchikozyano, atulange-lange Magwalo aabili aawumbulizya:
“Jehova ulaafwaafwi abaabo batyompedwe mumoyo; aabo bapengede mumizeezo ulabafwutula.”—INTEMBAUZYO 34:18.
“Mebo nde Jehova Leza wako, ndilikujatide kujanza lyako lyalulyo, Ndendime Yooyo uukwaambila kuti, ‘Utayoowi pe. Mebo ndilakugwasya.’”—ISAYA 41:13.
Jehova utugwasya biyeni kuti tuzunde penzi lyakukataazikana mumizeezo? Muzyiiyo zitobela, tulabona Jehova mbali aandaba andiswe akuti ulatugwasya munzila zisiyene-siyene.
a Jehova ndizina lyaLeza.—Intembauzyo 83:18.
