Webusayiti iyi yikuwovyeningi kuti muziŵi vinandi vakukwaskana ndi Chiuta, Bayibolu ndipuso Akaboni aku Yehova. Mungaŵerenga, kuwonere ndi kupanga dawulonilodi vinthu vo vingakukondwesani. Tikhumba kuti ŵanthu anyaki nawu ayanduwengi ndi webusayiti yeniyi, kweni muzomerezeka cha kuto vinthu vo ve pa webusayiti iyi ndi kuviŵika pa webusayiti yinyaki. Mungagaŵiyaku anyinu vo mwasambira mwakuŵalongozge pa webusayiti yeniyi nge po takonkhoske mu Marangu ngo nge mumphata umu.

• Ŵeneku (Copyright)

• Tividindu

• Marangu nga Webusayiti Iyi

• Vachipatala

• Vo Mukhumbika Kulondo Pakugwiriskiya Ntchitu Webusayiti iyi

• Mungambika Mlandu Asani Mwaleka Kulondo Marangu

• Kusintha vo Mukhumbika Kulondo

• Khoti

• Asani Fundu Yinyaki Njakukhumbika cha Kuyilondo

• Mapanganu Ngosi

© 2017 Watch Tower Bible and Tract Society of Pennsylvania. Mazaza ngosi pa Webusayiti iyi ngidu.

Wupu wa Watchtower Bible and Tract Society of New York, Inc. (“Watchtower”) ndiwu we ndi mazaza ngakupharazga kweniso kunozga webusayiti iyi. Nkhani kweniso vinthu vosi vo ve pa Webusayiti iyi, va Watch Tower Bible and Tract Society of Pennsylvania, Inc. kupatuwaku asani talongo kuti vatuliya kunyaki.

Tividindu ta Adobe kweniso Acrobat, ntha wupu wa Adobe Systems Incorporated. Ndipu tividindu ta iTunes ndi iPod ntha wupu wa Apple Inc. Tividindu ta Microsoft kusazgapu mazina nganyaki nga ma Microsoft nge Microsoft Office ndi Microsoft Office 365, ndi vidindu va wupu wa Microsoft Inc. Tividindu tinyaki tosi ntha mawupu ngo ngalongoleka.

Marangu ngo nge mumphata umu, ndingu mutenere kulondo pakugwiriskiya ntchitu webusayiti iyi. Asani mugwiriskiya ntchitu webusayiti iyi, ndikwesa mwazomereza kulondo marangu ngenanga. Asani mwakana marangu yanga pamwenga chigaŵa chinyaki cha marangu ngeninga, mbwenu muleki kugwiriskiya ntchitu webusayiti iyi.

Kumbi ndi vinthu wuli vo muzomerezgeka kuchita pa webusayiti iyi? Vinthu vo valembeka mumphata umu ndivu mutenere kuchita:

• Mungaŵerenga mabuku, kupanga dawunilodi sumu ndi mavidiyo, kupulinta mabuku ndi vithuzi, kweni mungagulisanga cha.

• Mungatumiziya anyinu ma linki pamwenga ma EPUB, PDF, kuti apangi dawunilodi. Mungaŵatumiziya so mavidiyo pamwenga mapulogilamu nga vinthu vakuvwisiya ngo ngasanirika pa webusayiti yeniyi.

Vo mukhumbika cha kuchita:

• Kuto vinthu pa webusayiti iyi nge vithuzi, mabuku, tividindu, sumu, mavidiyo ndi kuviŵika pa Intaneti (nge pa mawebusayiti nganyaki pamwenga pamalu ngo ŵanthu angavito kwambula kusuzga).

• Kunozga so vinthu nge vithuzi, mabuku, tividindu, sumu, pamwenga mavidiyo pa webusayiti iyi kusazgapu mapulogilamu ngo ngalipu kuti mugaŵiyengi ŵanthu anyaki.

• Kupanga so, kuchita jubuliketi, kukopa pamwenga kuvigwiriskiya ntchitu mwambula kwenere ndi chilatu chakuti muvigwiriskiyengi ntchitu pa nkhani za bizinesi (chinanga vingaŵa kuti musaniriyengepu chechosi cha).

• Kusere pa webusayiti iyi ndi chilatu chakuti mugaŵiyengi mapulogilamu ngo agwiriskiya ntchitu pa webusayiti iyi, (kweni mungagaŵiya mapulogilamu ngawezi ngo ngatovya pakuchita dawunilodi ma fayelu nge ma EPUB, PDF, MP3, ndipuso ma MP4.)

• Kugwiriskiya ntchitu webusayiti iyi mwambula kwenere pamwenga vinthu vo vilipu, nge kuyisaniriyanga vifukwa kweniso kuyijula pamwenga kuchitangapu vinthu vambula kukoliyana ndi vo yikupangikiya.

• Kugwiriskiya ntchitu webusayiti mu nthowa yo yingayambisa masuzgu pamwenga yo yingachitiska kuti ŵanthu atondeki kuyijula; pamwenga kuyigwiriskiya ntchitu mu nthowa yeyosi yo yileka kukoliyana ndi marangu, ndipuso yambula kwenere. Mutenere so cha kugwiriskiya ntchitu webusayiti iyi pakukhumba kuchita vinthu vo vileka kukoliyana ndi marangu, vachinyengu ndipuso vinthu vambula kwenere.

• Kugwiriskiya ntchitu webusayiti iyi ndi chilatu chechosi chakukwaskana ndi nkhani za malonda.

Nkhani zo zisanirika pa webusayiti iyi pa chigaŵa cha (“Vachipatala”), chilatu chaki ntchakuti zikuwovyeni kuziŵa vo vichitika. Nkhani izi zikambiya ŵanthu za chovyu cha munkhwala wo atenere kulonde cha ndipuso zisele cha mumalu mwa ulongozgi wa madokotala. Chigaŵa ichi chikambiya ŵanthu cha za mtundu wa munkhwala, ko angasaniya madokotala, vinthu, ndondomeku, maŵanaŵanu, pamwenga vinthu vinyaki vo vingaŵawovya kuti aziŵi vo vichitika vo vingazumbulika pa Chigaŵa chenichi.

Nyengu zosi asani mukhumba kuziŵa vinandi vakukwaskana ndi muliŵavu, mungafumba dokotala pamwenga munthu weyosi yo wagwira ntchitu ya kovya ŵanthu kuti wakuwovyeni.

Webusayiti iyi yiwonesesa kuti pa chigaŵa chakuti Vachipatala pe nkhani zauneneska ndipuso kuti pe uthenga wa pa nyengu yaki. Titenere kukumbuka kuti chinanga kuti uthenga uwu ukulembeka, kweni ko tingasaniya chovyu chakwenere nkhwa adokotala. Webusayiti iyi yazamumuka mlandu we wosi cha chifukwa chakuti ŵanthu aleka kulondo marangu ngo ngasanirika pa chigaŵa ichi. Webusayiti iyi yitovya ŵaka ŵanthu kuziŵa vo angachita pa kachigaŵa ka Vachipatala kweni yipereka ndondomeku yeyosi cha ya munkhwala wo ŵanthu angakhumbika kulonde. Asani mungagwiriskiya ntchitu mwambula kwenere vinthu vo valembeka pa chigaŵa ichi, webusayiti iyi yilivi mulandu ndipu yazamumukapu chechosi cha.

Webusayiti iyi ndipuso ulongozgi wosi wo usanirika kweniso mapulogilamu nganyaki, ngakupangika ndi wupu wa Watchtower. Wupu wa Watchtower wazamumuka chechosi cha asani mwasaniya masuzgu pavuli pakugwiriskiya ntchitu vinthu vo munguto pa webusayiti iyi ndipu yiwu wazamuperekapu chovyu chechosi cha.

Wupu wa Watchtower ukambapu chechosi cha pa nkhani yakuti webusayiti iyi njakuvikilirika ku ma vayilasi pamwenga ku vinthu vinyaki vo vingapangiska kuti kompyuta yinu yileki kugwira ntchitu umampha. Wupu wenuwu wazamumuka mulandu wewosi cha asani mungachita ngozi pavuli pa kugwiriskiya ntchitu webusayiti iyi.

Asani mwaswa marangu ngakukwaskana ndi webusayiti iyi, wupu wa Watchtower we ndi mazaza ngakukukanizgani kuyigwiriskiya ntchitu, kubuloka kompyuta yinu mwakugwiriskiya ntchitu adiresi yinu ya IP ndi chilatu chakuti muleki kuyigwiriskiya ntchitu. Ungachikambiya so ŵeneku a Intaneti yo mugwiriskiya ntchitu kuti akubulokeni ku webusayiti iyi. Ndipuso wupu wa Watchtower ungakumangiskani.

Wupu wa Watchtower ungasintha fundu zakukwaskana ndi Vo Mukhumbika Kulondo pakugwiriskiya ntchitu webusayiti iyi. Fundu zasonu zitamba kugwira ntchitu kutuliya pa deti lo zaŵikikiya pa webusayiti. Mwaviyo, muŵerengengi kaŵikaŵi kuti muziŵi fundu zo zasintha.

Asani mwaleka kugwiriskiya ntchitu Vo Mukhumbika Kulondo pakugwiriskiya ntchitu webusayiti iyi ndipu asani mphakwenere kukutoliyani ku khoti chifukwa chakuti mwatondeka kugwiriskiya ntchitu, mwazamumbika mlandu mwakukoliyana ndi marangu nga State of New York, U.S.A., chinanga kuti marangu ngo ngangaja ngakupambana ndi nga mucharu chinu. Ndipu mlandu wenuwu wamuyeruzgika ndi khoti la ku State of New York, ku U.S.A.

Ziŵani kuti fundu zinyaki zosi pa Vo Mukhumbika Kulondo pakugwiriskiya ntchitu webusayiti iyi, zingwirengi mbwenu ntchitu chinanga kuti khoti lingakamba kuti fundu yinyaki pa fundu zo, njambula kwenere ndipuso njakuti munthu wangambika nayu mulandu cha pamwenga kuti yikoliyana cha ndi marangu. Asani wupu wa Watchtower waleka kumutole kukhoti munthu yo waswa marangu, ving’anamuwa kuti fundu yo yaleka kugwira ntchitu cha pamwenga so kuti wupu wo ulivi mazaza ngakumumbiya mlandu munthuyo.

Fundu zosi izi zakukwaskana ndi Vo Mukhumbika Kulondo, ndi mapanganu nga pakati paku imwi ndi wupu wa Watchtower pa nkhani ya kugwiriskiya ntchitu webusayiti iyi ndipu ngasele mumalu mwa mapanganu ngakali.