Yesu waziŵa umampha mo munthu wavwiya asani ŵanthu atimuchitiya nkhaza pamwenga vinthu vambula urunji. Iyu angumumba mulandu waboza, angumupuma kwambula chifukwa, angumuyeruzga mwambula urunji ndipu wangubayika mwankhaza. Chinanga kuti wenga wambula kunanga, iyu wangukhumbisiska kupereka “umoyu waki sembi yakuwombole ŵanthu anandi.” (Mateyu 20:28; Yohane 15:13) Pakuti sonu ndi Fumu ya Ufumu waku Chiuta, pambula kuswera yapa wazamuchitiska kuti pacharu chapasi paje urunji ndipu wazamumalisa nkhaza kweniso vinthu vosi vambula urunji.—Yesaya 42:3.

 Bayibolu likonkhoska mo charu chapasi chazamuŵiya asani Yesu waziyamba kulamuliya:

•   “Ŵanthu aheni azamuŵaku so cha; wazamulereska po ajanga, ndipu azamusanirikapu cha. Kweni akufwasa azamulonde charu chapasi, ndipu azamukondwa ukongwa ndi chimangu chikulu.”—Salimo 37:10, 11.

 Kumbi tingalongo wuli kuti tiwonga vo Yesu wakutichitiya kweniso vo wazakutichitiya kunthazi? Mwakukoliyana ndi lemba la Luka 22:19, Yesu wangukambiya akusambira ŵaki kuti akumbukiyengi nyifwa yaki. Ndichu chifukwa chaki chaka chechosi, Akaboni aku Yehova awungana pamoza kuti akumbukiyi nyifwa yaki pa zuŵa lo wangufwiya. Titikudanani kuti muzisanirikepu pa mwambu wakukumbukiya nyifwa yaku Yesu pa Sabata, pa 24 March, 2024.

Ziŵani ko kwamuchitikiya Chikumbusu