Vinthu Vijengi Umampha Pambula Kuswera!

“Kwaja kanyengu kamanavi ndipu ŵanthu aheni azamuŵaku so cha . . . Kweni akufwasa azamulonde charu chapasi, ndipu azamukondwa ukongwa ndi chimangu chikulu.”—SALIMO 37:10, 11.

KUMBI mungayanja kuwona uchimi wo walembeka pachanya uchifiskika? Tikayika cha kuti ndivu mukhumba. Pe vifukwa vakuvwika vakugomezge kuti venivi vichitikengi pambula kuswera yapa.

Nkhani zo zajumpha zakonkhoska mauchimi nganyaki nga mu Bayibolu ngo ngalongo pakweru kuti te “mu mazuŵa ngakumaliya.” (2 Timote 3:1-5) Chiuta wangukambiya ŵanthu wo alembanga Bayibolu kuti alembi mauchimi ngenanga kuti ngatipaski chilindizga. (Aroma 15:4) Kufiskika kwa mauchimi ngenanga kulongo kuti masuzgu ngo tikumana nangu ngaja kamanavi kumala.

Kumbi ntchinthu wuli cho chazamuchitika pavuli pa mazuŵa ngakumaliya? Ufumu waku Chiuta ndiwu wazamukwamba kulamuliya ŵanthu. (Mateyu 6:9) Wonani vo Bayibolu likamba kuti vazamuchitika pa nyengu yeniyo:

● Nja yazamumala. “Pacharu chapasi pazamuja chakurya chinandi; ndipu chazamusapaliya pachanya pa mapiri.”—Salimo 72:16.

● Matenda ngazamumala. “Palivi wakuja mucharu cho yo wazamukamba kuti: ‘Ndatama.’”—Yesaya 33:24.

● Charu chapasi chazamunozgeka so. “Chipululu ndipuso charu chakumira, vazamukondwa, ndipu chipalamba chazamukondwa kweniso kuchita maluŵa.”—Yesaya 35:1.

Yanga nganyaki mwa mauchimi nga mu Bayibolu ngo ngafiskikengi pambula kuswera yapa. Fumbani Akaboni aku Yehova kuti muziŵi chifukwa cho yiwu asimikiziya kuti vinthu vijengi nadi umampha pambula kuswera yapa.