Kumbi Bayibolu Likambanji?
Kumbi Chiuta wamuka mapempheru ngosi?
KUMBI MUNGAKAMBA KUTI IYU WAMUKA MAPEMPHERU NGA . . .
Munthu weyosi?
Ŵanthu anyaki?
Munthu weyosi cha?
VO BAYIBOLU LIKAMBA
“Yehova we pafupi ndi wosi . . . wo atimudana mu uneneska.”—Sumu 145:18.
FUNDU ZINYAKI ZO TISAMBIRA M’BAYIBOLU
Chiuta wamuka cha mapempheru nga ŵanthu wo aleka kumuvwiya. (Yesaya 1:15) Chinanga kuti ve viyo, yiwu angaja nayu pa ubwezi asani angasintha vakuchita vawu.—Yesaya 1:18.
Kuti Chiuta wamuki mapempheru ngidu, titenere kupemphera mwakukoliyana ndi khumbu laki.—1 Yohane 5:14.
Kumbi tikhumbika kuma wima, kujikama pamwenga kuja pasi tichipemphera?
ŴANTHU ANYAKI AGOMEZA kuti asani apemphera, nyengu zosi atenere kujikama, kusindama pamwenga kuŵika manja ngawu pamoza. Kumbi imwi muŵanaŵana wuli?
VO BAYIBOLU LIKAMBA
Chiuta wakumukapu mapempheru nga ŵanthu wo ‘anguja pasi,’ wo ‘anguma wima,’ wo ‘angugona pasi’ ndipuso wo ‘angujikama.’ (1 Mikoka 17:16; 2 Mikoka 30:27; Ezra 10:1; Machitidu 9:40) Iyu wakukambapu cha kuti tichipemphera, tijengi wuli.
FUNDU ZINYAKI ZO TISAMBIRA M’BAYIBOLU
Chiuta wamuka mapempheru nga ŵanthu akujiyuyuwa.—Sumu 138:6.
Mungapemphera mu chineneru chechosi kweniso cha mumtima.—2 Mikoka 6:32, 33; Nehemiya 2:1-6.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Chiuta Wangamuka Pempheru Langu?
Kumbi Chiuta watitiŵanaŵaniya nadi?
MAFUMBU NGO BAYIBOLU LIMUKA
Ntchifukwa Wuli Chiuta Waleka Kumuka Mapempheru Nganyaki?
Ziŵani mapempheru ngo Chiuta waleka kumuka kweniso ŵanthu wo Chiuta waleka kumuka mapempheru ngawu.
