SAMBIRU 02
Bayibolu Likamba Kuti Vinthu Vijengi Umampha Kunthazi
Ŵanthu anandi pacharu chapasi akumana ndi masuzgu ngo ngatiŵachitiska kuti ajengi achitima, asuzgikengi maŵanaŵanu kweniso avwengi urwirwi. Kumbi namwi vikukuchitikiyanipu vange venivi? Panyaki musuzgika chifukwa chakuti mutama pamwenga munthu munyaki yo mwamuyanjanga wakutayika. Mungajifumba kuti, ‘Kumbi vinthu visinthengi?’ Vo Bayibolu limuka vingakuchiskani ukongwa.
1. Kumbi Bayibolu likamba kuti vinthu viŵengi wuli kunthazi?
Bayibolu likonkhoska vo vinguchitika kuti tiyambi kukumana ndi masuzgu. Kweniso likamba kuti masuzgu ngenanga ngakanyengu kamanavi ndipu ngamalengi pambula kuswera. Vo Bayibolu likamba kuti vazamuchitika kunthazi vingakuwovyani ‘kuti vinthu vizikuyendiyeningi umampha kweniso kuti muje ndi chilindizga.’ (Ŵerengani Yeremiya 29:11, 12.) Vo Bayibolu likamba vingatiwovya kuti tikunthiyengepu kweniso kuti tikondwengi chinanga kuti tikumana ndi masuzgu. Vingatiwovya so kuziŵa kuti kunthazi tazamukondwa kwamuyaya.
2. Kumbi Bayibolu likamba kuti ndi vinthu wuli vo vichitikengi kunthazi?
Bayibolu likamba kuti kunthazi “nyifwa yazamuŵaku so cha. Kwazamuŵavi kuliya, kukuta pamwenga urwirwi.” (Ŵerengani Chivumbuzi 21:4.) Masuzgu ngo ngachitiska kuti ŵanthu afipengi ukongwa mtima nge ukavu, vinthu vambula urunji, matenda ndipuso nyifwa vazamuŵaku so cha. Bayibolu likamba kuti ŵanthu azamukondwa ndi umoyu wamuyaya mu Paradayisu pacharu chapasi.
3. Kumbi mungasimikiza wuli kuti vo Bayibolu likamba vazamuchitika nadi?
Ŵanthu anandi akhumba vinthu vamampha pa umoyu, kweni akayikiya asani vo akhumba vingachitika nadi. Kweni vo Bayibolu likamba vazamuchitika. Tingasimikiza kuti vazamuchitika nadi asani ‘tifufuza Malemba mwakuphwere.’ (Machitidu 17:11) Muchisambira Bayibolu, musankhengi mwija kugomezga venivi pamwenga cha.
SAMBIRANI VINANDI
Wonani vinthu vinyaki vo Bayibolu likamba kuti vichitikengi kunthazi. Wonani so mo venivi vitovye ŵanthu mazuŵa nganu.
4. Bayibolu likamba kuti ŵanthu azamuja kwamuyaya pacharu ndipuso kwambula masuzgu ngengosi.
Wonani vo Bayibolu likamba kuti vichitikengi vo ve mumphata umu. Kumbi ndi nivi vo vakukondwesani ukongwa? Nanga ntchifukwa wuli?
Ŵerengani malemba ngo ngaŵikika kunthazi kwaki ndipu pavuli paki kambiskanani mafumbu yanga:
-
Kumbi muwona kuti malemba yanga ngangakuwovyani wuli? Nanga abali ŵinu ngangaŵawovya wuli?
Yeruzgiyani kuti muja mucharu cho
|
MWAZAMUŴAVI YO . . . |
WEYOSI . . . |
|---|---|
|
|
|
|
|
|
|
|
|
|
5. Vo Bayibolu likamba vingakuwovyani kuti muwonengi vinthu mwakwenere
Ŵanthu anandi akondwa cha chifukwa cha masuzgu ngo akumana nangu. Anyaki ayesesa kuti asinthi vinthu. Wonani mo ŵanthu anyaki awovyeke ndi vinthu vamampha vo Bayibolu likamba kuti vichitikengi pambula kuswera. Woneriyani VIDIYO, pavuli paki kambiskanani mafumbu yanga:
-
Nge mo tawone mu vidiyo, kumbi ndi vinthu vambula urunji nivi vo vamusuzganga maŵanaŵanu Rafika?
-
Nanga Bayibolu lingumuwovya wuli chinanga kuti vinthu vambula urunji vingumala cha?
Vinthu vakukondwesa vo Bayibolu likamba kuti vichitikengi kunthazi, ngangatiwovya kuti tikunthiyengepu masuzgu ngo tikumana nangu. Ŵerengani Nthanthi 17:22 ndipuso Aroma 12: 12, ndipu pavuli paki kambiskanani mafumbu yanga:
-
Kumbi vinthu vo Bayibolu likamba kuti vichitikengi kunthazi vingakuwovyani kuti muje ndi umoyu wamampha? Ntchifukwa wuli muwona viyo?
ŴANTHU ANYAKI AKAMBA KUTI: “Vo Bayibolu likamba kuti vichitikengi kunthazi vakukayikisa.”
-
Ntchifukwa wuli mukhumbika kusaniya mwija ukaboni?
KUMBI MWASAMBIRANJI?
Bayibolu lititiwovya kuti tilindizengi vinthu vamampha vo likamba kuti vichitikengi kunthazi, ndipu venivi vititiwovya so kuti tikunthiyengepu masuzgu ngo tikumana nangu sonu.
Kuweriyamu
-
Ntchifukwa wuli ŵanthu akhumbika kuziŵa vinthu vamampha vo Bayibolu likamba kuti vichitikengi kunthazi?
-
Kumbi Bayibolu likamba kuti vinthu viŵengi wuli kunthazi?
-
Kumbi kuziŵa vinthu vamampha vo vichitikengi kunthazi kungakuwovyani wuli sonu?
FUFUZANI
Kumbi kuziŵa vinthu vamampha vo vichitikengi kunthazi kungakuwovyani wuli asani mwakumana ndi masuzgu?
“Kumbi Chilindizga Mungachisaniya Pani?” (Jani Masu!, April 22, 2004)
Wonani mo vinthu vamampha vo Bayibolu likamba kuti vichitikengi kunthazi vingawovye wo atama matenda ngakulu.
“Kumbi Bayibolu Lingakuwovyani Kukunthiyapu Asani Mutama Matenda Ngakulu?” (Nkhani ya pa webusayiti)
Muchiwonere sumu iyi, yeruzgiyani kuti yimwi ndi banja linu mukondwa mu Paradayisu yo Bayibolu likamba.
Ŵerengani nkhani iyi kuti muwoni mo munthu yo wakhumbanga kusintha vinthu wangusinthiya maŵanaŵanu ngaki wati waziŵa Bayibolu.
“Ndikuleka Kuja ndi Maŵanaŵanu Ngakuti Ndisinthi Vinthu Pacharu” (Nkhani ya mu Chigongwi cha Alinda)
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
