Yobu 35:1-16
35 Elihu wangulutirizga kukamba kuti:
2 “Kumbi mukhorwa nadi ndi mtima wosi kuti mwe arunji, ndipu mungakamba kuti,‘Ini nde murunji ukongwa kuluska Chiuta’?+
3 Pakuti mwakamba kuti, ‘Kumbi ve ndi ntchitu wuli kwaku yimwi?*
Kubuda pamwenga kuleka kubuda, kumbi kwe ndi phindu wuli?’+
4 Ini ndikumukeningiNdikumukeningi limoza ndi abwezi ŵinu+ wo mwe nawu.
5 Lereskani kuchanya ndipu muwoni,Wonani mitambu+ yo ye pachanya kuluska yimwi.
6 Asani mwabuda, kumbi mutimupweteka?+
Asani mphulupulu zinu zaŵa zinandi, kumbi mutimuchitiyanji?+
7 Asani ndimwi arunji, kumbi mutimupaskanji;Kumbi walondiyanji kutuliya kwaku yimwi?+
8 Vinthu viheni vo muchita, vikwaska ŵaka munthu nge yimwi,Ndipu urunji winu, ukwaska mwana wa munthu.
9 Ŵanthu aliya asani akandirizgika ukongwa;Yiwu aliya kuti afwatuliki ku janja la ŵanthu anthazi.+
10 Kweni palivi yo wakamba kuti, ‘We pani Chiuta, Mlengi wangu Mura,*+Yo wachitiska kuti sumu zimbikengi ndi usiku?’+
11 Watitisambiza+ vinandi kuluska vinyama vakofya va pacharu chapasi,+Ndipu watitichitiska kuti tije ndi zeru zinandi kuluska viyuni vamude.
12 Ŵanthu aliya, kweni iyu wamuka cha,+Chifukwa cha kujikuzga kwa ŵanthu aheni.+
13 Mbuneneska, Chiuta watuvwa cha kuliya kwaŵakaŵaka;*+Wanthazizosi waŵikaku maŵanaŵanu cha ku kuliya kwaviyo.
14 Sonu kwe wuli asani mudandawula kuti mutimuwona cha?+
Mulandu winu we pa masu paki, sonu mumulindizgi mwalinweka.+
15 Pakuti iyu watikumbani mulandu mwa ukali cha;Pamwenga kuwonesesa kupupuluma kwinu.+
16 A Yobu ajula mulomu wawu paŵaka;Yiwu alongoro vinthu vinandi vambula zeru.”+
Mazu Ngam'mphata
^ Watenere kuti wakambanga Chiuta.
^ Pamwenga kuti, “Wakundipanga wangu Mura.”
^ Pamwenga kuti, “kuliya kwaboza.”
