Yesaya 43:1-28
43 Sonu ivi ndivu Yehova wakamba,Mlengi waku, yiwi Yakobe, Yo wakukupanga, yiwi Isirayeli:+
“Ungawopanga cha, pakuti ndakuwombo.+
Ndakudana ndi zina laku.
Ndiwi wangu.
2 Asani ujumpha pamaji, ndazamukuŵa nawi,+Ndipu asani uporota mumisinji, maji ngazakukubizga cha.+
Asani ujumpha mumotu, wazamukufya cha,Ndipuso mulipu wa motu wazakukuŵawuwa cha.
3 Pakuti ini ndini Yehova Chiuta waku,Mtuŵa waku Isirayeli, Mtaski waku.
Ndapereka Ijipiti nge chakukuwombole,Ndapereka Ifiyopiya kweniso Seba mumalu mwaku.
4 Pakuti waja wakuzirwa mu masu mwangu,+Ungutumbikika ndipu ndakuyanja.+
Mwaviyo, ndazamupereka ŵanthu mumalu mwaku.Ndipuso mitundu ya ŵanthu mumalu mwa umoyu waku.
5 Ungawopanga cha, pakuti nde nawi.+
Ndizengi ndi mphapu* yaku kutuliya kuvuma*Ndipuso ndikuwunganiseningi pamoza kutuliya kuzambwi.*+
6 Ndazamukambiya kunkhondi* kuti, ‘Apereki!’+
Ndipu ndazamukambiya kumwera kuti, ‘Ungaŵakaniriyanga cha.
Iza ndi ŵana ŵangu anthulumi kutuliya kutali, kweniso ŵana ŵangu anthukazi kutuliya kuvigoti va charu chapasi,+
7 Munthu weyosi yo wadanika ndi zina langu+Ndipuso yo ndikumulenga chifukwa cha unkhankhu wangu,Yo ndikumuwumba kweniso kumupanga.’+
8 Zani ndi ŵanthu achibulumutiya, chinanga kuti ŵe ndi masu.Ndipuso akunyota, chinanga kuti ŵe ndi makutu.+
9 Ŵanthu amitundu yosi awungani pamalu ngamoza,Ndipuso ŵanthu amitundu yakupambanapambana awungani pamoza.+
Ndiyani pakati pawu yo wangakamba ivi?
Pamwenga kutichitiska kuti tivwi vinthu vakwamba?*+
Azi ndi akaboni ŵawu kuti ajilongo kuti aneneska,Pamwenga avwi ndi kukamba kuti, ‘Mbuneneska!’”+
10 “Yimwi ndimwi akaboni ŵangu,”+ Yehova ndiyu wakamba,“Ndimwi mteŵeti wangu yo ndamusankha,+Kuti mundiziŵi ndi kundigomezga*Ndipuso kuti muvwisi kuti ini ndeche Mweniyuwa.+
Ini ndechendaŵeku palivi Chiuta yo wangupangika,Ndipu pavuli pangu palivi munyaki.+
11 Ini ndini Yehova,+ ndipu palivi mtaski munyaki kupatuwaku ini.”+
12 “Ini Ndini ndingupharazga, kutaska kweniso kuziŵisaPa nyengu yo pakati pinu pengavi chiuta wachilendu.+
Mwaviyo, yimwi ndimwi akaboni ŵangu, ndipu ini ndini Chiuta,”+ Yehova ndiyu wakamba.
13 “Ndipuso, nyengu zosi ndini Mweniyuwa;+Ndipu palivi yo wangakwatapuwa chechosi mujanja langu.+
Asani ndichita chinthu, ndiyani yo wangatondekesa?”+
14 Ivi ndivu Yehova wakamba, Wakukuwomboni,+ Mtuŵa waku Isirayeli:+
“Chifukwa chaku yimwi, ndazamutuma asilikali ku Babiloni kuti akapapasuwi akabali wosi a mageti,+Ndipu Akadiya azamuliya mwakudaniriza musitima zawu.+
15 Ini ndini Yehova, Mtuŵa winu,+ Mlengi waku Isirayeli,+ Fumu yinu.”+
16 Ivi ndivu Yehova wakamba,Yo wapanga nthowa yakuporota panyanjaKweniso nthowa yakuporota chinanga mphamaji ngakuŵinduka,+
17 Yo watuzga galeta la nkhondu kweniso hachi,+Asilikali limoza ndi vinkhara va nkhondu:
“Yiwu azamugona pasi ndipu azamuyuka cha.+
Yiwu azamumala, azamuzimwa nge chisunda chakukole.”
18 “Mungakumbukanga vinthu vakali cha,Ndipuso mungaŵikanga maŵanaŵanu nginu pa vinthu vakuvuli cha.
19 Awonani! Ndipanga chinthu chifya;+Ndipu chinanga ndi sonu chibuka.
Kumbi mutichiziŵa cha?
Ndipangengi nthowa kujumpha muchipululu+Ndipuso misinji kuporota muchipalamba.+
20 Chinyama chakofya chamudondu chazakunditumbika,Akambwi kweniso nthiŵatiŵa,Pakuti ndipereka maji muchipululu,Ndiŵika misinji muchipalamba,+Kuti ŵanthu ŵangu, akusankhika ŵangu,+ amwi.
21 Ŵanthu wo ndikupanga kuti aje ŵanguNdi chilatu chakuti andithamikengi.+
22 Kweni wandidana cha, yiwi Yakobe,+Pakuti wavuka nani, yiwi Isirayeli.+
23 Waza cha ndi mbereri kwaku ini kuti upereki sembi zakupiriza zamphumphuPamwenga kundikankhuska ndi sembi zaku.
Ndakuchichizga cha kuti uzi ndi mphasu kwaku ini,Ndipuso ndakuvukisa cha mwa kukupempha libani.+
24 Ungundiguliya cha mujuŵa wakunowa ndi ndalama zaku,Ndipuso ungundikhorwesa cha ndi mafuta nga sembi zaku.+
Mumalu mwaki wandizitiska ndi maubudi ngakuNdipuso wandivukisa ndi mphulupulu zaku.+
25 Ini Ndini ndisisita mphulupulu zaku+ chifukwa chaku ndamweni,+Ndipuso ndazamukumbuka cha maubudi ngaku.*+
26 Ndikumbusi; tiyeni tikambiskani mulandu;Konkhoska fundu zaku kuti ulongo kuti we muneneska.
27 Mpapi waku wakwamba wakubuda,Ndipu akukulongolore* ŵaku andigarukiya.+
28 Mwaviyo, ndazamufipiska alongozgi a mumalu ngakupaturika,Ndipuso ndazamupereka Yakobe kuti wanangikiNdazamupereka Isirayeli kuti wanyozeki.+
Mazu Ngam'mphata
^ Mazu ngaki chayingu, “mbewu.”
^ Pamwenga kuti, “ko kutuliya lumwi.”
^ Pamwenga kuti, “ko kuselere lumwi.”
^ Anyaki akamba kuti, “kumpotu.”
^ Panyaki ang’anamuwa vinthu vakwamba vo vichitikengi kunthazi.
^ Pamwenga kuti, “ndi kundithemba.”
^ Pamwenga kuti, “vakuchita vaku vakugaruka.”
^ Panyaki ang’anamuwa asambizi a Dangu.
