Masalimo 95:1-11
95 Zani, tiyeni timudaniriziyi mwakukondwa Yehova!
Tiyeni tidaniriziyi Jalawi lidu la utaski mwakukondwa.+
2 Tiyeni tizi pa masu paki* kuti timuwongi;+Tiyeni timbi kweniso timudaniriziyi mwakukondwa.
3 Pakuti Yehova ndi Chiuta mukulu,Iyu ndi Fumu yikulu kuluska achiuta anyaki wosi.+
4 Ndimba za charu ze mu janja laki;Pachanya pa mapiri mphaki.+
5 Nyanja yo wakupanga njaki,+Ndipu manja ngaki ngakupanga mtunda.+
6 Zani, tiyeni tisopi ndi kusindama;Tiyeni tijikami pa masu paku Yehova Mlengi widu.+
7 Pakuti iyu ndi Chiuta widu,Ndipu isi te ŵanthu a mumskambu waki,Mbereri zo watiziphwere.*+
Msanawale asani mwavwa mazu ngaki,+
8 Munganonopesanga mitima yinu cha nge pa Meriba,*+Nge mo venge zuŵa liya pa Masa* muchipululu,+
9 Pa nyengu yo apapi ŵinu akali angundiyesa;+Yiwu angundisuska chinanga kuti anguwona ntchitu zangu.+
10 Kwa vyaka 40 ndinguwutinkha mugonezi weniwuwa, ndipu ndingukamba kuti:
“Nyengu zosi yiwu mbanthu wo alanda mumitima yawu;Ndipu atiziziŵa cha nthowa zangu.”
11 Mwaviyo, ndingukwiya ndipu ndingulapizga kuti:
“Yiwu azamusere cha mu chipumulu changu.”+
Mazu Ngam'mphata
^ Mazu ngaki chayingu, “pa chisku chaki.”
^ Mazu ngaki chayingu, “zo ze mu manja mwaki.”
^ Kung’anamuwa kuti, “Kupindana.”
^ Kung’anamuwa kuti, “Kuyesa.”
