Masalimo 7:1-17
-
Yehova wayeruzga mwaurunji
-
“Ndiyeruzgeni yimwi Yehova” (8)
-
Iyi ndi sumu yaku Davidi yakumba pakuliya yo wangumbiya Yehova chifukwa cha mazu ngaku Kushi wa mu fuku laku Benjamini.
7 Yimwi Yehova Chiuta wangu, ini ndabisama mwaku yimwi.+
Nditaskeni kwaku wosi wo atinditombozga ndipu ndiwomboni.+
2 Asani po cha, andipaluwengi nge mo nkharamu yichitiya,+Anditoliyengi kutali kwambula wakunditaska.
3 Yimwi Yehova Chiuta wangu, asani nde wakunanga pa nkhani iyi,Asani ndachita vinthu mwambula urunji,
4 Asani ndanangiya munthu yo watindichitiya vamampha,+Pamwenga asani murwani wangu ndamuphanga vinthu kwambula chifukwa,*
5 Mbwenu murwani wangu wanditchimbizi ndipu wandiko;Iyu wawukandikandi umoyu wangu mpaka pasiNdipuso wachitiski kuti unkhankhu wangu umaliyi mufuvu. (Selah)
6 Sokani mu ukali winu yimwi Yehova;Nyamukani ndi kulimbana ndi ukali wa arwani ŵangu;+Yukani mumalu mwaku ini ndipu lamulani kuti urunji uwoneki.+
7 Mitundu ya ŵanthu yikuzunguliyeni;Ndipu yimwi mulimbanengi nayu kutuliya kuchanya.
8 Yehova wayeruzgengi ŵanthu.+Ndiyeruzgeni yimwi Yehova, mwakukoliyana ndi urunji wangu
Kweniso mwakukoliyana ndi kugomezgeka kwangu.+
9 Chondi malisani ntchitu ziheni za ŵanthu aheni.
Kweni chitiskani kuti ŵanthu arunji ajalikiskiki,+Pakuti yimwi ndimwi Chiuta waurunji+ yo wasanda mitima+ kweniso maŵanaŵanu ngandimba.*+
10 Chiuta ntchishangu changu,+ Mtaski wa ŵanthu a mtima wakunyoloka.+
11 Chiuta ndiyu Wakweruzga murunji,+Kweniso Chiuta wapharazga vyeruzgu vaki zuŵa lelosi.
12 Asani munthu walapa cha,+ Iyu wanora lipanga laki;+Wakunga uta waki ndi kuwunozgekeresa.+
13 Iyu wanozga vidya vaki vakofya;Kweniso wanozga mivi yaki yakukole motu kuti wayigwiriskiyi ntchitu.+
14 Lereskani munthu yo we ndi nthumbu ya vinthu viheni;Iyu wame nthumbu ya suzgu ndipu wabala maboza.+
15 Iyu wakumba mbuna, ndipu watiyikumba yitali ukongwa,Kweni wawiya muzenji lo wakumba mweneku.+
16 Masuzgu ngo iyu wayambisa ngaweriyengi pamutu waki;+Nkhaza zaki ziwiyengi paliwombu laki.
17 Ndithamikengi Yehova chifukwa cha urunji waki;+Zina laku Yehova+ Wapachanya Limu ndilimbiyengi sumu zakuthamika.*+
Mazu Ngam'mphata
^ Yapa pangafwatulikiya so kuti, “Kweni munthu yo walimbananga nani kwambula chifukwa ndingumuleka.”
^ Pamwenga kuti, “wasanda mitima ndi sana.”
^ Pamwenga kuti, “ndilipangiyengi sumu.”
