Masalimo 59:1-17
Kwaku yo walongozga sumu. Sumu iyi yimbiki nge “Mungandinanganga Cha.” Sumu yaku Davidi. Mikitamu.* Pa nyengu yo Sauli wangutuma ŵanthu kuti akalindengi nyumba yaku Davidi kuti amubayi.*+
59 Nditaskeni kwa arwani ŵangu yimwi Chiuta wangu;+Ndivikiliyeni ku ŵanthu wo atindiyukiya.+
2 Nditaskeni ku ŵanthu wo achita vinthu viheni,Kweniso nditaskeni ku ŵanthu ankhaza.*
3 Awonani! Yiwu abisama kuti andiyukiyi;+Ŵanthu anthazi andiyukiyaKweni ntchifukwa chakuti ndagaruka cha pamwenga kubuda,+ yimwi Yehova.
4 Chinanga kuti palivi cho ndananga, yiwu atchimbiya ndipu anozgeka kuti andiyukiyi.
Sokani pakuti ndakudanani, ndipu wonani.
5 Pakuti yimwi Yehova Chiuta wa mizinda, ndimwi Chiuta waku Isirayeli.+
Yukani kuti mung’anamukiyi ŵanthu amitundu yosi.
Munthu weyosi wachinyengu mungamuchitiyanga lisungu cha.+ (Selah)
6 Mazulu ngengosi atuza so;+Yiwu akalipa* nge agalu+ ndipu atendatenda mutawuni yosi.+
7 Wonani vo vipunguka* kutuliya mumilomu yawu;Milomu yawu ye nge malipanga,+Pakuti yiwu akamba kuti: “Ndiyani yo watuvwa?”+
8 Kweni yimwi Yehova, muŵasekengi;+Muhoyengi mitundu yosi ya ŵanthu.+
9 Yimwi nthazi zangu, ndilereskengi kwaku yimwi;+Pakuti Chiuta ndi malu ngangu ngakuthaŵiyaku ngakuvikilirika.*+
10 Chiuta yo watindilongo chanju chambula kumala, wandiwovyengi;+Chiuta wandichitiskengi kuti ndiwoni arwani ŵangu achithereskeka.+
11 Mungaŵabayanga cha, kuti ŵanthu ŵangu aleki kuluwa.
Ndi nthazi zinu, achitiskeni kuti ayingengiyingengi;Achitiskeni kuti awi, yimwi Yehova chishangu chidu.+
12 Kujikuzga kwawu kuŵawonji,+Chifukwa cha ubudi wa milomu yawu kweniso mazu nga milomu yawu,Chifukwa cha mazu ngakutemba kweniso ngachinyengu ngo alongoro.
13 Amaleni ndi ukali winu;+Amaleni kuti aleki so kusanirika;Achitiskeni kuti aziŵi kuti Chiuta walamuliya mwaku Yakobe ndipuso mpaka kuvigoti va charu.+ (Selah)
14 Alekeni azi so ndi mazulu;Alekeni akalipengi* nge agalu ndi kwendakwenda mutawuni yosi.+
15 Muŵachitiski kuti ayingengiyingengi pakupenja chakurya;+Mungazomerezanga cha kuti aguti pamwenga kusaniya malu ngakugonapu.
16 Kweni ini ndimbengi vakukwaskana ndi nthazi zinu;+Ndi mlenji ndikambengi mwakukondwa vakukwaskana ndi chanju chinu chambula kumala.
Pakuti yimwi ndimwi malu ngangu ngakuthaŵiyaku ngakuvikilirika+Kweniso malu ngangu ngakuthaŵiyaku pa nyengu ya masuzgu.+
17 Yimwi Nthazi zangu, ndikumbiyeningi sumu zakukuthamikani,*+Pakuti Chiuta ndi malu ngangu ngakuthaŵiyaku ngakuvikilirika, Chiuta yo watindilongo chanju chambula kumala.+
Mazu Ngam'mphata
^ Wonani Mazu ngo Ngakonkhoskeka.
^ Mazu ngaki chayingu, “akalindengi nyumba kuti amubayi.”
^ Pamwenga kuti, “ŵanthu wo akhumbisiska kudira ndopa.”
^ Pamwenga kuti, “abwentha.”
^ Pamwenga kuti, “vibwibwituka.”
^ Pamwenga kuti, “malu ngangu ngapachanya ngakuvikilirika.”
^ Pamwenga kuti, “abwenthengi.”
^ Pamwenga kuti, “ndikupangiyeningi sumu.”
