Masalimo 56:1-13
Kwaku yo walongozga sumu. Sumu iyi yimbiki nge kuliya kwa “Nkhunda yo ye Phee Kutali.” Sumu yaku Davidi. Mikitamu.* Pa nyengu yo Afilisiti angumuko ku Gati.+
56 Ndichitiyeni lisungu yimwi Chiuta, chifukwa munthu watindiyukiya.*
Zuŵa losi lamphumphu alutirizga kulimbana nani kweniso kundikandirizga.
2 Arwani ŵangu atindimphwakuwa ndi milomu yawu zuŵa losi lamphumphu;Anandi alimbana nani mwakujikuzga.
3 Asani ndachita mantha,+ ndithemba yimwi.+
4 Ndithemba Chiuta yo ndithamika mazu ngaki.Ndithemba Chiuta ndipu nditopa cha,
Kumbi munthu* wangachitanji nani?+
5 Zuŵa losi lamphumphu atimbanyizga vilatu vangu;Palivi so chinyaki cho aŵanaŵana, kweni kundipweteka.+
6 Abisama kuti andiyukiyi;Alereska mosi mo nditenda,+Kuti atuzgepu umoyu wangu.+
7 Muŵakani chifukwa cha vinthu viheni vo achita.
Wisiyani pasi mitundu ya ŵanthu ndi ukali winu, yimwi Chiuta.+
8 Yimwi muwona ndi kusunga mosi mo ndiyingayinga.+
Wunganisani masozi ngangu mubotolu linu lachikopa.+
Asi ngakulembeka mubuku linu?+
9 Arwani ŵangu azamuthaŵa pa zuŵa lo ndazamupempha chovyu.+
Nde ndi chigomezgu chakuti: Chiuta we kuchigaŵa changu.+
10 Chiuta yo ndithamika mazu ngaki,Yehova yo ndithamika mazu ngaki,
11 Ndithemba Chiuta ndipu nditopa cha,+
Kumbi munthu wangachitanji nani?+
12 Vo ndikulayizga vandimangiriya kwaku yimwi Chiuta;+Ndikuwongeningi.+
13 Pakuti yimwi mwanditaska ku nyifwa+Kweniso mwachitiska kuti maphazi ngangu ngaleki kuguŵa,+Kuti ndiyendi pa masu paku Chiuta mu ukweru wa ŵanthu amoyu.+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “watindimphwakuwa ndi mulomu waki.”
^ Mazu ngaki chayingu, “munthu wamnofu.”
