Masalimo 37:1-40
-
Ŵanthu wo athemba Yehova vinthu viŵayendiyengi umampha
Sumu yaku Davidi.
א [Aleph]
37 Ungaguŵanga* cha chifukwa cha ŵanthu aheniPamwenga kuchitiya sanji ŵanthu wo achita vinthu viheni.+
2 Yiwu afotengi liŵiliŵi nge uteka+Kweniso amirengi nge uteka wakubiriŵira wo wame ŵaka sonu.
ב [Beth]
3 Gomezga Yehova ndipu chita cho ntchamampha;+Ja mucharu chapasi ndipu chita vinthu mwakugomezgeka.+
4 Ukondwi* ukongwa mwaku Yehova,Ndipu iyu wakupaskengi vosi vo mtima waku ukhumba.
ג [Gimel]
5 Pereka nthowa yaku kwaku* Yehova;+Umuthembi ndipu iyu wakuwovyengi.+
6 Iyu wachitiskengi kuti urunji waku uŵali nge matandakucha,Kweniso cheruzgu chaku chaurunji nge lumwi la msana pakati.
ד [Daleth]
7 Ja cheti pa masu paku Yehova+Ndipu umulindizgi mwalinweka.*
Ungaguŵanga cha chifukwa cha munthuYo wafiska viŵembu vo wanozga.+
ה [He]
8 Leka kukwiya ndipu jowo ukali;+Ungaguŵanga cha mpaka kuchita chinthu chiheni.*
9 Pakuti ŵanthu aheni azamubayika,+Kweni wo alindizga Yehova, azamulonde charu chapasi.+
ו [Waw]
10 Kwaja kanyengu kamanavi ndipu ŵanthu aheni azamuŵaku so cha;+Wazamulereska po ajanga,Ndipu azamusanirikapu cha.+
11 Kweni akufwasa azamulonde charu chapasi,+Ndipu azamukondwa ukongwa ndi chimangu chikulu.+
ז [Zayin]
12 Munthu muheni wanozge chiŵembu munthu murunji;+Iyu watimukukutiya minyu.
13 Kweni Yehova wamusekengi,Pakuti Iyu waziŵa kuti zuŵa laki lituza.+
ח [Heth]
14 Ŵanthu aheni asolo malipanga ngawu kweniso akunga* mauta ngawuKuti awisi ŵanthu akukandirizgika kweniso akavu,Kuti abayi ŵanthu wo nthowa yawu njakunyoloka.
15 Kweni malipanga ngawu ngalasengi mitima yaku yiwu ŵeneku;+Ndipu mauta ngawu ngafyokengi.
ט [Teth]
16 Vinthu vimanavi va munthu murunji vamamphaKuluska vinthu vinandi va ŵanthu anandi aheni.+
17 Pakuti manja nga ŵanthu aheni ngafyokengi,Kweni Yehova wawovyengi munthu murunji.
י [Yod]
18 Yehova waziŵa vinthu vo ŵanthu ambula kafukwa akumana navu,*Ndipu chihara chawu chazamuŵaku mpaka muyaya.+
19 Yiwu azamuchita soni cha pa nyengu ya suzgu;Pa nyengu ya nja, yiwu azamukuŵa ndi chakurya chinandi.
כ [Kaph]
20 Kweni ŵanthu aheni azamumaliya limu;+Arwani aku Yehova azamuzilimitiya nge uteka wamampha ukongwa wa kumalu ngakuliskaku viŵetu;Yiwu azamuzilimitiya nge josi.
ל [Lamed]
21 Munthu muheni wabwereka kweni waweza cha,Kweni munthu murunji ngwamasangu* ndipuso ngwakupaska.+
22 Ŵanthu wo Chiuta waŵatumbika azamulonde charu chapasi,Kweni wo Iyu waŵatemba azamubayika.+
מ [Mem]
23 Yehova walongozga* maphazi nga munthu+Asani Iyu wakondwa ndi nthowa yaki.+
24 Chinanga wangawa, wawisikiyengi limu cha,+Pakuti Yehova wamuwovyengi ndi janja Laki.+
נ [Nun]
25 Kali ndenga mwana ndipu sonu ndakuwa,Kweni ndechendawonepu munthu weyosi murunji wachijowoleka,+Pamwenga ŵana ŵaki achipempha chakurya.+
26 Nyengu zosi munthu murunji wabwerekesa kwawezi,+Ndipu ŵana ŵaki alondiyengi vitumbiku.
ס [Samekh]
27 Tuwaku ku chinthu chiheni, chita cho ntchamampha,+Ndipu wazamuja kwamuyaya.
28 Pakuti Yehova watanja cheruzgu chaurunji,Ndipu wazakuŵajowo cha ŵanthu ŵaki akugomezgeka.+
ע [Ayin]
Nyengu zosi yiwu avikilirikengi;+Kweni mphapu ya munthu muheni yazamubayika.+
29 Ŵanthu arunji azamulonde charu chapasi,+Ndipu azamuja mwenimo kwamuyaya.+
פ [Pe]
30 Mulomu wa munthu murunji upereka zeru,*Ndipu lilimi laki lilongoro vinthu vaurunji.+
31 Dangu laku Chiuta waki le mumtima mwaki;+Maphazi ngaki ngateremukengi cha.+
צ [Tsade]
32 Munthu muheni waŵenda munthu murunji,Iyu wapenja kuti wamubayi.
33 Kweni Yehova wamuperekengi cha mu manja mwa munthu muheni+Pamwenga kumusaniya ndi mulandu pa nyengu yo wayeruzgika.+
ק [Qoph]
34 Lindizga Yehova ndipu londo nthowa yaki,Iyu wazakukukweza kuti ulonde charu chapasi.
Pa nyengu yo ŵanthu aheni azamubayika,+ yiwi wazakuŵawona.+
ר [Resh]
35 Ini ndikuwonapu munthu muheni kweniso wankhazaWachithaza nge chimiti chakubiriŵira cho che panyata yaki.+
36 Kweni iyu wakufwa mwamabuchibuchi ndipu wakuluta;+Ndingumupenjapenja kweni ndingumusaniya cha.+
ש [Shin]
37 Wona munthu wambula kafukwa,*Kweniso wonesesa munthu wakunyoloka,+Pakuti munthazi, munthu mwenuyu wazamusaniya chimangu.+
38 Kweni ŵanthu wosi amphulupulu azamubayika;Munthazi, ŵanthu aheni azamudumulika.+
ת [Taw]
39 Utaski wa ŵanthu arunji utuliya kwaku Yehova;+Iyu ndi mpanda wawu wakukho pa nyengu ya suzgu.+
40 Yehova waŵawovyengi ndipuso waŵataskengi.+Iyu waŵataskengi ku ŵanthu aheni ndipu waŵapozomoskengi,Chifukwa chakuti abisama mwaku iyu.+
Mazu Ngam'mphata
^ Pamwenga kuti, “Ungakwiyanga.”
^ Pamwenga kuti, “Usaniyi likondwa likulu.”
^ Mazu ngaki chayingu, “Kunkhuzgiya nthowa yaku paku.”
^ Pamwenga kuti, “mwakuzikira.”
^ Yapa pangafwatulikiya so kuti, “Ungaguŵanga cha, pakuti kuchita viyo kungakupweteka.”
^ Pamwenga kuti, “amanga.”
^ Mazu ngaki chayingu, “waziŵa mazuŵa nga ŵanthu ambula kafukwa.”
^ Pamwenga kuti, “ngwalisungu.”
^ Pamwenga kuti, “wakholesa.”
^ Pamwenga kuti, “ukamba vinthu vazeru chapasipasi.”
^ Pamwenga kuti, “munthu wakugomezgeka.”
