Masalimo 32:1-11
Sumu yaku Davidi. Masikili.*
32 Ngwakukondwa munthu yo mphulupulu yaki yagowokereka, mweniyo ubudi waki wabenekereka.*+
2 Ngwakukondwa munthu yo Yehova waleka kumumba mulandu,+Mweniyo walivi maŵanaŵanu ngachinyengu.
3 Ndati ndajapu ŵaka cheti, viwanga vangu vengavi nthazi chifukwa cha kutamantha kwa zuŵa losi lamphumphu.+
4 Pakuti ndi msana kweniso ndi usiku, janja linu lenga lizitu* paku ini.+
Nthazi zangu zinguyupuka nge maji mu nyengu ya chihanya. (Selah)
5 Pakumaliya paki, ndingukusumuliyani ubudi wangu;Ndingubisa cha vo ndingunanga.+
Ndingukamba kuti: “Ndisumuliyengi Yehova mphulupulu zangu.”+
Ndipu yimwi mungundigowoke maubudi ngangu.+ (Selah)
6 Ndichu chifukwa chaki munthu weyosi wakugomezgeka wapempherengi kwaku yimwi+Pa nyengu yo mweche kusanirika.+
Ndipu asani wachita viyo, chinanga ndi maji ngakusapaliya ngamusaniyengi cha.
7 Yimwi ndimwi malu ngangu ngakubisamamu;Mundivikiliyengi ku masuzgu.+
Mundizingilizengi ndi kudaniriza kwa likondwa la utaski.+ (Selah)
8 “Ndikupaskengi kuwamu kweniso ndikusambizengi nthowa yo utenere kwendamu.+
Ndikupaskengi ulongozgi ndipu jisu langu lijengi paku yiwi.+
9 Ungaŵanga nge hachi cha pamwenga nyulu,* yo yivwisa vinthu cha,+Yo yikhumbika kuyimanga chingwi kumulomu pamwenga mukhosi kuti yileki kuchita mtafuYechendazi kufupi ndi yiwi.”
10 Munthu muheni wakumana ndi maurwirwi nganandi;Kweni yo wathemba Yehova wazingilizika ndi chanju Chaki chambula kumala.+
11 Kondwani mwaku Yehova ndipu sekeriyani, yimwi ŵanthu arunji;Danirizani mwakukondwa mosi yimwi akunyoloka mtima.
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “wagowokereka.”
^ Pamwenga kuti, “kukwiya kwinu kwenga kuzitu.”
^ Zina ili mu Chiheberi, ling’anamuwa mwana yo wabalika asani bulu munthulumi wakwera hachi yinthukazi.
