Masalimo 116:1-19
116 Nditanja YehovaChifukwa watuvwa* mazu ngangu ndi kuliya kwangu kwakupempha chovyu.+
2 Pakuti iyu walazgisa gutu laki* kwaku ini,+Ndilutirizgengi kumudana pa nyengu yosi yo nde ndi umoyu.*
3 Vingwi va nyifwa vingundizingiliza;Ndenga mu manja mwa Dindi.*+
Masuzgu kweniso chitima vingundithereska.+
4 Kweni ini ndingudaniya pa zina laku Yehova kuti:+
“Yimwi Yehova nditaskeni!”
5 Yehova ngwachitima ndipuso ndi murunji;+Chiuta widu ngwalisungu.+
6 Yehova wavikiliya ŵanthu wo aleka kuziŵa vinandi.+
Ndingusisikiya pasi kweni iyu wangunditaska.
7 Umoyu wangu upumuwi so,Pakuti Yehova wachita nani vinthu mwalisungu.
8 Mwanditaska ku nyifwa,Mwataska jisu langu ku masozi ndipuso phazi langu kuti lileki kuguŵa.+
9 Ndiyendengi pa masu paku Yehova mucharu cha ŵanthu amoyu.
10 Chifukwa ndenga ndi chivwanu, ndingulongoro;+Ndingusuzgika ukongwa.
11 Kweni ini ndingufipa mtima ndipu ndingukamba kuti:
“Munthu weyosi ngwaboza.”+
12 Kumbi ndimuweziyengenji YehovaPa vamampha vosi vo iyu wandichitiya?
13 Nditongi kapu ya utaski,*Ndipu ndidaniyengi pa zina laku Yehova.
14 Ndifiskengi vo ndalapizgiya YehovaPa masu pa ŵanthu ŵaki wosi.+
15 Nyifwa ya ŵanthu ŵaki akugomezgekaYehova watiyiwona kuti njakuzirwa.+
16 Nditikupemphani yimwi Yehova,Pakuti ini nde mteŵeti winu.
Nde mteŵeti winu, mwana wa kapolu winu munthukazi.
Yimwi mwandifwatuwa ku vingwi vo vingundimanga.+
17 Ndiperekengi kwaku yimwi sembi yakuwonga;+Ndidaniyengi pa zina laku Yehova.
18 Ndifiskengi vo ndalapizgiya Yehova+Pa masu pa ŵanthu ŵaki wosi,+
19 Mumabalaza nga nyumba yaku Yehova,+Mukatikati mwaku yiwi Yerusalemu,
Thamikani Ya!*+
Mazu Ngam'mphata
^ Yapa pangafwatulikiya so kuti, “Nditanja chifukwa Yehova watuvwa.”
^ Pamwenga kuti, “wasindama kuti wavwisiyi.”
^ Mazu ngaki chayingu, “mu mazuŵa ngangu ngosi.”
^ Mazu ngaki chayingu, “Masuzgu nga Shelo ngangundisaniya.”
^ Pamwenga kuti, “utaski ukulu.”
^ Pamwenga kuti, “Aleluya!” “Ya” ndi mazu ngakudumuwa nga zina lakuti Yehova.
