Saame 91:1-16
91 Ko ha taha pē ʻoku nofo ʻi he potu lilo ʻo e Fungani Māʻolungá+Te ne nofo ʻi he malumalu ʻo e Māfimafi-Aoniú.+
2 Te u pehē kia Sihova: “Ko koe ʻa hoku hūfangaʻangá mo hoku maluʻangá,+Ko hoku ʻOtua ʻa ia ʻoku ou falala ki ai.”+
3 He te ne fakahaofi koe mei he tauhele ʻa e tokotaha pō manupuná,Mei he mahaki fakalilifu fakatupu ʻauhá.
4 Te ne ʻufiʻufi* koe ʻaki hono kapakaú,Pea te ke hūfanga ʻi hono lalo kapakaú.+
Ko ʻene faitōnungá+ ʻe hoko ia ko ha fuʻu pā+ mo ha ʻā maluʻi.
5 ʻE ʻikai te ke manavahē ki he ngaahi meʻa fakailifia ʻi he poʻulí,+Pe ko e ngahau ʻoku puna ʻi he ʻahó,+
6 Pe ko e mahaki fakalilifu ʻoku ʻalu holo ʻi he fakapoʻulí,Pe ko e fakaʻauha ʻoku hoko ʻi he hoʻatā mālié.
7 ʻE tō ha toko taha afe ʻi ho tafaʻakíMo e toko taha mano ʻi ho nima toʻomataʻú,Ka ʻe ʻikai ke ofi mai ia kiate koe.+
8 Te ke sio pē ki ai ʻaki ho matáʻI hoʻo sio tonu ki he tautea* ʻo e kau fulikivanú.
9 Koeʻuhí naʻá ke pehē: “Ko Sihova ʻa hoku hūfangaʻangá,”
Kuó ke ʻai ʻa e Fungani Māʻolungá ko ho nofoʻanga;*+
10 ʻE ʻikai ke tō ha fakatamaki kiate koe,+Pea ʻe ʻikai ke ofi mai ha mala ki ho tēnití.
11 He te ne tuku atu ha fekau ki heʻene kau ʻāngeló+ koeʻuhiā ko koe,Ke nau leʻohi koe ʻi ho hala fua pē.+
12 Te nau hapai koe ʻi honau nimá,+Koeʻuhi ke ʻoua naʻa pā ho vaʻé ki ha maka.+
13 Te ke malaki ʻa e laione muí pea mo e ngatá;Te ke tāmalaki ʻi ho lalo vaʻé ʻa e laioné mo e fuʻu ngatá.+
14 Naʻe folofola ʻa e ʻOtuá: “Koeʻuhi ko ʻene ʻofa kiate aú,* te u fakahaofi ia.+
Te u maluʻi ia koeʻuhi ko ʻene ʻiloʻi* ʻa hoku huafá.+
15 Te ne ui kiate au, pea te u fai ha tali kiate ia.+
Te u ʻiate ia ʻi heʻene mamahí.+
Te u fakahaofi ia pea fakalāngilangiʻi ia.
16 Te u fakafiemālieʻi ia ʻaki ʻa e moʻui fuoloa,+Pea te u ʻai ia ke ne sio ki heʻeku faifakamoʻuí.”*+
Fakamatala ‘i Lalo
^ Pe “taʻofi ha fakaofiofi atu kiate.”
^ Fakafoʻilea, “totongi.”
^ Pe ngalingali, “kolotau; hūfangaʻanga.”
^ Fakafoʻilea, “kuó ne kau mo au.”
^ Pe “fakamoʻoniʻi.”
^ Pe “sio ki he fakamoʻui meiate aú.”
