Saame 77:1-20
Ki he pule hivá; fekauʻaki mo e Situtuní.* Saame ʻa ʻĒsafe.+ Ko ha hiva.
77 Te u tangi ki he ʻOtuá ʻaki hoku leʻó;Te u tangi ki he ʻOtuá, pea te ne fanongo mai kiate au.+
2 ʻI he ʻaho ʻo ʻeku mamahí ʻoku ou kumi kia Sihova.+
ʻI he poó ʻoku hiki hake ʻa hoku nimá kiate ia ʻo ʻikai tuku.*
ʻOku ʻikai lava ke fakafiemālieʻi au.
3 ʻI heʻeku manatu ki he ʻOtuá, ʻoku ou toʻe;+ʻOku ou faingataʻaʻia pea holo ʻa hoku mālohí.*+ (Sila)
4 ʻOku ʻikai te ke tuku ke kuikui ʻa hoku matá;ʻOku ou hohaʻatuʻu pea ʻikai ke u lava ʻo lea.
5 ʻOku foki ʻeku fakakaukaú ki he ngaahi ʻaho ʻo e kuonga muʻá,+ʻA e ngaahi taʻu ʻo e kuohili mamaʻo atú.
6 ʻI he lolotonga ʻa e poó ʻoku ou manatu ki heʻeku foʻi hivá;*+ʻOku ou fakalaulauloto;+ʻOku ou fai* ha fekumi tōtōivi.
7 ʻE liʻaki koā ʻe Sihova kitautolu ʻo taʻengata?+
ʻE ʻikai ʻaupito koā ke ne toe fakahaaʻi mai ʻa ʻene hōifuá?+
8 Kuo ngata koā ʻa ʻene ʻofa mateakí ʻo taʻengata?
ʻE taʻeʻaonga koā ʻa ʻene talaʻofa ki he kotoa ʻo e ngaahi toʻutangatá?
9 Kuo ngalo koā ʻi he ʻOtuá ke fakahaaʻi ʻa ʻene hōifuá,+Pe kuo ʻai koā ʻe heʻene houhaú ke ngata ʻa ʻene mēsí? (Sila)
10 Kuo pau koā ke u hanganaki pehē: “Ko e meʻa eni ʻokú ne fakalotomamahiʻi* aú:+
Kuo liliu koā ʻe he Fungani Māʻolungá ʻa ʻene tuʻungá* kiate kitautolu”?
11 Te u manatu ki he ngaahi ngāue ʻa Iaá;Te u manatu ki hoʻo ngaahi ngāue fakaofo ʻi he kuonga muʻá.
12 Pea te u fakalaulauloto ki hoʻo ngāué kotoaPea fakakaukauloto ki hoʻo ngaahi fakafeangaí.+
13 ʻE ʻOtua, ko hoʻo ngaahi foungá ʻoku māʻoniʻoni.
Ko hai ha ʻotua ʻe lahi ʻo hangē ko koé, ʻe ʻOtua?+
14 Ko koe ʻa e ʻOtua moʻoní, ʻa ia ʻokú ke fai ʻa e ngaahi meʻa fakaofó.+
Kuó ke fakaeʻa ho mālohí ki he ngaahi kakaí.+
15 Kuó ke fakahaofi* ho kakaí ʻaki ho iví,*+ʻA e ngaahi foha ʻo Sēkope pea mo Siosifá. (Sila)
16 Naʻe sio atu ʻa e ngaahi vaí kiate koe, ʻe ʻOtua;Naʻe sio atu ʻa e ngaahi vaí pea nau hohaʻa.+
Pea naʻe hoko ʻa e ngaahi vai lolotó ʻo houtuʻu.
17 Naʻe tuku hifo ʻe he ngaahi ʻaó ʻa e vai.
Naʻe mana ʻa e langi ʻaoʻaofiá,Pea naʻe puna ʻa hoʻo ngaahi ngahaú ki hē mo ē.+
18 Ko e leʻo ʻo hoʻo maná+ naʻe hangē ha ngaahi vaʻe ʻo ha salioté;Ko e tapa ʻa e ʻuhilá naʻá ne fakamaama ʻa e māmani* kuo nofoʻí;+Naʻe tete mo ngalulu ʻa e māmaní.+
19 Ko ho halá naʻe fou atu ʻi he tahí,+Ko ho ʻalungá naʻe fou atu ʻi he ngaahi vai lahi;Ka ko ho topuvaʻé naʻe ʻikai lava ke fakatotoloa.
20 Naʻá ke taki ho kakaí ʻo hangē ko ha tākangá,+ʻO tokangaʻi ʻe* Mōsese mo ʻĒlone.+
Fakamatala ‘i Lalo
^ Sio ki he Lea mo Hono ʻUhinga.
^ Fakafoʻilea, “mamate.”
^ Fakafoʻilea, “pongia ʻa hoku laumālié.”
^ Fakafoʻilea, “ʻOku fai ʻe hoku laumālié.”
^ Pe “fasi tāmeʻaleá.”
^ Fakafoʻilea, “hono nima toʻomataʻú.”
^ Pe “hokohokaʻi.”
^ Fakafoʻilea, “huhuʻi.”
^ Fakafoʻilea, “nimá.”
^ Pe “fonua mahu.”
^ Fakafoʻilea, “ʻI he nima ʻo.”
