Saame 61:1-8
-
ʻOtuá, ko ha taua mālohi mei he filí
-
“Te u hoko ko ha tokotaha fakaafe ʻi ho tēnití” (4)
-
Ki he pule hivá; ke ngāueʻaki ʻa e ngaahi meʻalea filo. Saame ʻa Tēvita.
61 Fanongo mai, ʻe ʻOtua, ki heʻeku tangi ki ha tokoní.
Tokanga mai ki heʻeku lotú.+
2 Te u tangi atu kiate koe mei he ngaahi ngataʻanga ʻo e māmaníʻI he siva ʻa e ʻamanaki*+ ʻa hoku lotó.
Taki au ki ha funga maka ʻa ia ʻoku māʻolunga ange ʻiate aú.+
3 He ko koe ʻa hoku hūfangaʻangá,Ko ha taua mālohi ʻokú ne maluʻi au mei he filí.+
4 Te u hoko ko ha tokotaha fakaafe ʻi ho tēnití ʻo taʻengata;+Te u hūfanga ki he malu ʻo ho kapakaú.+ (Sila)
5 He ko koe, ʻe ʻOtua, kuó ke fanongo mai ki heʻeku ngaahi fuakavá,Kuó ke foaki kiate au ʻa e tofiʻa ʻo e faʻahinga ʻoku manavahē ki ho huafá.+
6 Te ke fakalahi ʻa e ngaahi ʻaho ki he moʻui ʻa e* tuʻí,+Pea ko hono ngaahi taʻú ʻe laui toʻutangata.
7 Te ne nofo taloni ʻo taʻengata ʻi he ʻao ʻo e ʻOtuá;+Foaki* kiate ia ʻa e ʻofa mateaki mo e faitōnunga, koeʻuhí ke na leʻohi ia.+
8 Pea te u toki hiva fakahīkihiki* ki ho huafá ʻo taʻengata+ʻI heʻeku fakahoko ʻeku ngaahi fuakavá ʻi he ʻaho ki he ʻaho.+
Fakamatala ‘i Lalo
^ Pe “fakaʻau ke vaivai.”
^ Fakafoʻilea, “ngaahi ʻaho ʻo e.”
^ Pe “Vaheʻi.”
^ Pe “tā fasi.”
