Saame 145:1-21
Ko ha hiva fakahīkihiki, ko ha saame ʻa Tēvita.
א [ʻAlefi]
145 Te u hakeakiʻi koe, ʻe hoku ʻOtua ko e Tuʻí,+Te u fakahīkihikiʻi ho huafá ʻo taʻengata pea taʻengata.+
ב [Peta]
2 ʻI he ʻahó kotoa te u fakahīkihikiʻi koe;+Te u fakahīkihikiʻi ho huafá ʻo taʻengata pea taʻengata.+
ג [Kimela]
3 ʻOku lahi ʻa Sihova pea ʻoku taau lahi taha ke fakahīkihikiʻi;+Ko hono lahí ʻoku taʻemafakatotoloa.*+
ד [Tāleta]
4 Ko e toʻutangata ki he toʻutangata te nau fakahīkihikiʻi ʻa hoʻo ngaahi ngāué;Te nau talanoa ʻo fekauʻaki mo hoʻo ngaahi fuʻu ngāué.+
ה [Hē]
5 Te nau leaʻaki ʻa e fakaʻofoʻofa lāngilangiʻia ʻo ho ngeiá+Pea ko hoʻo ngaahi ngāue fakaofó te u fakalaulauloto ki ai.
ו [Vau]
6 Te nau lea ʻo fekauʻaki mo hoʻo ngaahi ngāue fakaofó,*Pea te u talaki ʻa ho lahí.
ז [Saini]
7 Te nau toutou leaʻaki hoʻo lelei lahí+ ʻi heʻenau manatu ki aí,Pea te nau kalanga fiefia koeʻuhí ko hoʻo māʻoniʻoní.+
ח [Keta]
8 Ko Sihová ʻoku manavaʻofa* mo mohu meesi,+Tuai ki he houhau pea ʻoku lahi ʻa ʻene ʻofa mateakí.+
ט [Teta]
9 ʻOku anga-lelei ʻa Sihova ki he tokotaha kotoa,+Pea ko ʻene mēsí ʻoku hā mahino ia ʻi he kotoa ʻo ʻene ngaahi ngāué.
י [Iota]
10 ʻE fakalāngilangiʻi koe ʻe hoʻo ngaahi ngāué kotoa, ʻe Sihova,+Pea ʻe fakahīkihikiʻi koe ʻe hoʻo kau mateakí.+
כ [Kafa]
11 Te nau fanongonongo ʻa e lāngilangi ʻo ho tuʻunga-tuʻí+Pea lea ʻo fekauʻaki mo ho fuʻu mālohí,+
ל [Lameta]
12 Ke ʻai ke ʻilo ʻe he tangatá ʻa hoʻo ngaahi fuʻu ngāué+Mo e fakaʻofoʻofa lāngilangiʻia ʻo ho tuʻunga-tuʻí.+
מ [Mema]
13 Ko ho tuʻunga-tuʻí ko ha tuʻunga-tuʻi taʻengata,Pea ko hoʻo pulé ʻe tuʻuloa ʻi he ngaahi toʻutangatá kotoa.+
ס [Sameha]
14 ʻOku tokoniʻi ʻe Sihova ʻa e faʻahinga kotoa ʻoku toó+Pea langaʻi hake ʻa e faʻahinga kotoa ʻoku punoú.+
ע [ʻAini]
15 Ko e ngaahi mata kotoa ʻoku nau hanga kiate koe ʻi he ʻamanaki;ʻOkú ke ʻoange kiate kinautolu ʻenau meʻakaí ʻi hono faʻahitaʻú.+
פ [Pē]
16 ʻOkú ke folahi ho nimáʻO fakatōliʻa ʻa e holi ʻa e meʻamoʻui kotoa.+
צ [Sati]
17 ʻOku māʻoniʻoni ʻa Sihova ʻi heʻene ngaahi foungá kotoa+Mo mateaki ʻi he meʻa kotoa ʻokú ne faí.+
ק [Kofi]
18 ʻOku ofi ʻa Sihova ki he faʻahinga kotoa ʻoku ui kiate iá,+Ki he faʻahinga kotoa ʻoku ui kiate ia ʻi he moʻoní.*+
ר [Lesa]
19 ʻOkú ne fakatōliʻa ʻa e holi ʻa e faʻahinga ʻoku manavahē kiate iá;+ʻOkú ne fanongo ki heʻenau tangi ki ha tokoní, peá ne fakahaofi kinautolu.+
ש [Sini]
20 ʻOku leʻohi ʻe Sihova ʻa e faʻahinga kotoa ʻoku ʻofa kiate iá,+Ka ko e kau fulikivanú kotoa te ne fakaʻauha ʻosi.+
ת [Tau]
21 ʻE talaki ʻe hoku ngutú ʻa e fakahīkihiki ʻo Sihová;+Tuku ke fakahīkihikiʻi ʻe he meʻamoʻui kotoa* ʻa hono huafa māʻoniʻoní ʻo taʻengata pea taʻengata.+
Fakamatala ‘i Lalo
^ Pe “ʻoku mahulu atu ʻi hono mahinoʻí.”
^ Pe “mo ho mālohí.”
^ Pe “anga-ʻofa.”
^ Pe “loto-moʻoní.”
^ Fakafoʻilea, “kakano kotoa.”
