Saame 120:1-7
Ko ha Hiva ʻo e ʻAlu Haké.*
120 Naʻá ku ui kia Sihova ʻi heʻeku mamahí,+Pea naʻá ne fai mai ha tali kiate au.+
2 ʻE Sihova, fakahaofi au mei he ngaahi loungutu loíPea mei he ʻelelo kākaá.
3 Ko e hā te Ne fai kiate koé, pea ʻe anga-fēfē ʻEne tauteaʻi koé,*ʻA koe ʻelelo kākā?+
4 ʻAki ʻa e ngaahi ngahau māsila+ ʻa ha tangata tauMo e malala uloulo+ ʻo e ʻakau vaó.
5 ʻOiauē kita, he kuó u nofo ko ha muli ʻi Mēseke!+
Kuó u nofo ʻi he lotolotonga ʻo e ngaahi tēniti ʻo Ketá.+
6 Kuó u nofo ʻo fuʻu fuoloaMo e faʻahinga ʻoku fehiʻa ʻi he melinó.+
7 ʻOku ou loto ke hoko ha melino, ka ʻi heʻeku lea atú,ʻOku nau loto ke fai ha tau.
Fakamatala ‘i Lalo
^ Sio ki he Lea mo Hono ʻUhinga.
^ Fakafoʻilea, “pea ko e hā te Ne fakalahi atu kiate koé?”
