Saame 114:1-8
114 ʻI he ʻalu atu ʻa ʻIsileli mei ʻIsipité,+ʻA e fale ʻo Sēkopé mei ha kakai ʻoku nau lea ʻi ha lea mulí,
2 Naʻe hoko ʻa Siuta ko Hono feituʻu toputapu,Pea ko ʻIsileli ko Hono puleʻanga.+
3 Naʻe sio ki ai ʻa e tahí peá ne hola;+Pea ko Sioatani naʻe foki.+
4 Naʻe tohopo ʻa e ngaahi moʻungá ʻo hangē ha fanga sipi tangatá,+Pea ko e ngaahi tafungofungá, ʻo hangē ha fanga lamí.
5 Ko e hā naʻá ne ʻai koe ke ke holá, ʻe tahi?+
Ko e hā naʻá ke foki aí, ʻe Sioatani?+
6 ʻE ngaahi moʻunga, ko e hā naʻa mou tohopo ai hangē ha fanga sipi tangatá,Hangē ha fanga lamí, ʻe ngaahi tafungofunga?
7 ʻE māmani, ke ke tetetete, koeʻuhí ko e ʻEikí,Koeʻuhí ko e ʻOtua ʻo Sēkopé,+
8 ʻA ia ʻokú ne liliu ʻa e maká ko ha anovai kahoʻia,ʻA e maka fefeká ko e ngaahi matavai.+
