ʻAisea 35:1-10
35 ʻE fiefia ʻa e toafá mo e fonua pakukaá,+Pea ʻe mavava ʻa e toafa tokaleleí pea matala ʻo hangē ko e lilé.+
2 ʻE mātuʻaki matala ia;+ʻE fiefia ia pea kaila ʻi he mavava.
ʻE ʻoange ki ai ʻa e lāngilangi ʻo Lepanoní,+ʻA e ngeia ʻo Kāmeli+ pea mo Sāloní.+
Te nau sio ki he lāngilangi ʻo Sihová, ʻa e ngeia ʻa hotau ʻOtuá.
3 ʻAi ke mālohi ʻa e ngaahi nima ʻoku vaivaí,Pea ʻai ke tuʻu maʻu ʻa e ngaahi tui ʻoku teteteté.+
4 Lea ki he faʻahinga ʻoku loto-hohaʻá:
“Ke mou mālohi. ʻOua ʻe ilifia.
Vakai! ʻE hāʻele mai homou ʻOtuá fakataha mo e sāuni,ʻE hāʻele mai ʻa e ʻOtuá mo e tautea.+
Te ne hāʻele mai ʻo fakahaofi kimoutolu.”+
5 ʻI he taimi ko iá ʻe ʻā ʻa e mata ʻo e kuí,+Pea ʻe fakaava ʻa e telinga ʻo e tulí.+
6 ʻI he taimi ko iá ʻe hopo ʻa e heké ʻo hangē ko e tiá,+Pea ʻe kaila ʻi he fiefia ʻa e ʻelelo ʻo e noá.+
He ʻe pā mai ʻa e ngaahi vai ʻi he toafá,Mo e ngaahi vaitafe ʻi he toafa tokaleleí.
7 ʻE hoko ʻa e kelekele kuo pakukā ʻi he velá ko ha vai kahoʻia,Mo e kelekele fieinuá ko e ngaahi matavai.+
Ko e feituʻu ʻoku mālōlō ai ʻa e fanga siakalí,+ʻE ʻi ai ʻa e musie lanu mata mo e kaho pea mo e pepailo.
8 Pea ʻe ʻi ai ha hala lahi,+ʻIo, ko ha hala ʻoku ui ko e Hala ʻo e Māʻoniʻoní.
ʻE ʻikai ke fononga ai ʻa e tokotaha taʻemaʻá.+
ʻOku tuku tauhi pē ia ki he tokotaha ʻoku ʻaʻeva ʻi he halá;ʻE ʻikai ke afe ki ai ha tokotaha vale.
9 ʻE ʻikai ke ʻi ai ha laione,Pea ʻe ʻikai ke haʻu ki ai ha fanga manu fekai.
ʻE ʻikai ke ʻilo kinautolu ʻi ai;+Ko e faʻahinga pē kuo huhuʻí te nau ʻaʻeva aí.+
10 Ko kinautolu kuo huhuʻi ʻe Sihová te nau foki mai+ ʻo haʻu ki Saione fakataha mo ha kaila fiefia.+
ʻE fakakalauni honau ʻulú ʻaki ʻa e fiefia taʻengata.+
ʻE ʻanautolu ʻa e mavava mo e nēkeneka,Pea ʻe hola meiate kinautolu ʻa e mamahí mo e māpuhoí.+
