Ko e tokolahi taha ʻo kitautolu kuo tau sio ki hono mioʻi ʻa e fakamaau totonú pea mo hono lōmekina ʻo e kakai lelei mo tonuhiá ʻe he kau faikoví. ʻE ʻi ai koā ha taimi ʻe ʻikai ke toe ʻi ai ha fakamaau taʻetotonu mo ha fulikivanu?

ʻOku ʻomai ʻe he Saame 37 ʻi he Tohi Tapú ʻa e talí, mo ha tataki maʻatautolu he taimí ni. Fakatokangaʻi ʻa e meʻa ʻokú ne leaʻaki ʻi he ngaahi fehuʻi mahuʻinga ko ení.

• ʻOku totonu ke fēfē ʻetau fakafeangai ki he faʻahinga ʻoku nau lōmekina kitautolú?​—Veeesi 1, 2.

• Ko e hā ʻe hoko ki he kakai fulikivanú?​—Veesi 10.

• Ko e hā ʻa e kahaʻu ki he faʻahinga ʻoku nau fai ʻa e meʻa ʻoku totonú?​—Veesi 11, 29.

• Ko e hā ʻoku totonu ke tau fai ʻi he taimi ní?​—Veesi 34.

ʻOku fakahaaʻi mahino mai ʻe he ngaahi lea fakamānavaʻi ʻo e Saame 37 ha kahaʻu fisifisimuʻa ki he faʻahinga ʻoku nau “ʻamanaki kia Sihova pea muimui ʻi hono halá.” ʻE fiefia ʻa e Kau Fakamoʻoni ʻa Sihová ke tokoniʻi koe ke ke ako ʻa e Tohi Tapú peá ke ʻilo ki he founga ʻe lava ke ke maʻu ai ʻa e kahaʻu ko iá maʻau mo e faʻahinga ʻokú ke ʻofa aí.