‘Ā HAKE! Fika 2 2018 | Fakapulipuli ʻe 12 ʻo e Fāmili Lavameʻá
Fakapulipuli ʻe 12 ʻo e Fāmili Lavameʻá
ʻOku lahi ʻetau fanongo ʻi he ngaahi meʻa ʻoku fehālaaki ʻi he ngaahi fāmili ʻoku ʻikai lavameʻá. Ka ko e hā ʻokú ne ʻai ke lavameʻa ʻa e ngaahi fāmili ʻe niʻihi?
ʻI he vahaʻa ʻo e 1990 mo e 2015, ko e ʻavalisi ʻo e vete mali ʻi ʻAmeliká naʻe liunga ua ia ʻi he faʻahinga taʻu 50 tupú pea liunga tolu ʻi he faʻahinga ʻoku nau laka hake ʻi he taʻu 65.
ʻOku puputuʻu ʻa e ngaahi mātuʻá: Ko e kau mataotao ʻe niʻihi ʻoku nau fokotuʻu mai ke fakahīkihikiʻi maʻu pē ʻa e fānaú, kae pehē ʻe he niʻihi ke angi fakasōtiaʻi kinautolu.
ʻOku tupu hake ʻa e toʻutupú ʻo hoko ko e kakai lalahi kae ʻikai maʻu ʻa e pōtoʻi ʻoku fiemaʻu ke hoko ai ʻo lavameʻá.
Kae kehe, ko hono moʻoní . . .
Ko e nofo malí ʻe lava ke hoko ko ha haʻi fakakoloa mo tuʻuloa.
Ko e ngaahi mātuʻá ʻe lava ke nau akonakiʻi ʻenau fānaú ʻi he ʻofa.
Ko e toʻutupú ʻe lava ke nau maʻu ʻa e pōtoʻi ʻoku fiemaʻú ʻi heʻenau hoko ko e kakai lalahí.
Anga-fēfē? ʻE lāulea ʻa e ʻīsiu ko eni ʻo e ʻĀ Haké! ki he fakapulipuli ʻe 12 ʻo e fāmili lavameʻá.
1: Tukupā
Ko e ngaahi fokotuʻu ʻaonga ʻe tolu ʻe lava ke tokoniʻi ai ʻa e ngaahi hoa malí ke nau kei nofo fakataha ai pē.
2: Ngāue Fakatimi
ʻOku hangē ho hoa malí ko ha taha pē ia ʻokú mo loki fakataha?
3: Fakaʻapaʻapa
Ako pe ko e hā ʻa e ngaahi lea mo e ngāue ʻoku mātuʻaki mahuʻinga ke fakapapauʻi ai ʻoku ongoʻi ʻe ho hoa malí ʻoku fakaʻapaʻapaʻi ia.
4: Fakamolemole
Ko e hā te ne tokoniʻi koe ke sio fakalaka atu ʻi he ngaahi taʻehaohaoa ho hoá?
5: Fetuʻutaki
Sitepu mahuʻinga ʻe tolu ʻe lava ke ne tokoniʻi koe ke ke ʻunuʻunu ofi ange ki hoʻo fānaú.
6: Akonaki
ʻOku tuku hifo nai ʻe he akonakí ʻa e fakamahuʻingaʻi-kita ʻa ha kiʻi tama?
7: Akoʻi Fakaeʻulungaanga
Ko e hā ʻa e ngaahi tuʻunga ʻoku totonu ke ke akoʻi ki hoʻo fānaú?
8: Faʻifaʻitakiʻanga
Kapau ʻokú ke loto ke aʻu hoʻo ngaahi leá ki he loto hoʻo fānaú, kuo pau ke fehoanaki ia mo hoʻo ngaahi ngāué.
9: ʻIloʻanga
ʻE lava fēfē ke taukapoʻi ʻe he toʻutupú ʻenau tuí?
10: Falalaʻanga
Ko hono maʻu ʻa e falala hoʻo ongo mātuʻá ko ha sitepu mahuʻinga ia ke hoko ai ko ha tokotaha lahi.
11: Faʻa Ngāue
ʻI hoʻo ako ko ia ke ngāue mālohi ʻi ho kei talavoú ʻe tokoni ia ke ke hoko ʻo lavameʻa ʻi ha faʻahinga meʻa pē te ke fai ʻi he moʻuí.
12: Ngaahi Taumuʻa
Ko hono aʻusia ʻa e ngaahi taumuʻá te ne ʻai ke toe lahi ange hoʻo loto-maʻú, fakaivimālohiʻi hoʻo kaumeʻá, pea fakalahi hoʻo fiefiá.
Tokoni Lahi Ange ki he Fāmilí
ʻE tokoniʻi koe ʻe he faleʻi ʻa e Tohi Tapú ke ke maʻu ha nofo mali lavameʻa mo ha moʻui fakafāmili fiefia.
