LĒSONI 02
‘Oku ‘Omai ‘e he Tohi Tapú ‘a e ‘Amanaki
Ko e kakai takatakai he māmaní ‘oku nau fekuki mo e ngaahi palopalema ‘oku ‘ai ai ke nau ongo‘i loto-mamahi, loto-mo‘ua pea na‘a mo e langa. Kuó ke fehangahangai mo ha tu‘unga na‘á ne ‘ai koe ke ke ongo‘i pehē? Mahalo ‘okú ke faingata‘a‘ia koe‘uhi ko ha mahaki ‘okú ke ma‘u pe koe‘uhi ko e mole hao ‘ofa‘anga ‘i he maté. Te ke ‘eke hifo nai, ‘‘E faifai angé pea ‘i ai ha taimi ‘e lelei ange ai ‘a e mo‘uí?’ ‘Oku ‘omai ‘e he Tohi Tapú ha tali fakalototo‘a ki he fehu‘i ko iá.
1. ‘Oku anga-fēfē hono ‘omai ‘e he Tohi Tapú ‘a e ‘amanakí?
‘Oku ‘ikai ngata pē hono fakamatala‘i ‘e he Tohi Tapú ‘a e ‘uhinga ‘oku fonu ai ‘a e māmaní ‘i he ngaahi palopalemá ka ‘okú ne toe ‘omai ‘a e ongoongo lelei ko e ngaahi palopalema ko ení ‘oku fakataimi pē pea ‘e vavé ni ke ngata. ‘E lava ‘e he ngaahi tala‘ofa ‘i he Tohi Tapú ‘o “‘oatu kiate kimoutolu ha kaha‘u pea mo ha ‘amanaki.” (Lau ‘a e Selemaia 29:11, 12.) ‘Oku tokoni‘i kitautolu ‘e he ngaahi tala‘ofa ko iá ke fekuki mo ‘etau ngaahi palopalema lolotongá, ke ma‘u ‘a e fakakaukau lelei, pea fiefia tu‘uloa.
2. Ko e hā ‘a e fa‘ahinga kaha‘u ‘oku fakamatala‘i ‘i he Tohi Tapú?
‘Oku fakamatala‘i ‘e he Tohi Tapú ha taimi ‘i he kaha‘ú ‘a ia “‘e ‘ikai ke toe ‘i ai ha mate, pe ha mamahi pe ha tangi pe ha langa.” (Lau ‘a e Fakahā 21:4.) Ko e ngaahi palopalema ‘oku lava ke nau ‘ai ‘a e mo‘uí ke hā ngali ‘ikai ha toe ‘amanaki he ‘aho ní—hangē ko e masivá, fakamaau ta‘etotonú, mahamahakí mo e maté—he‘ikai ‘aupito ke toe ‘i ai. ‘Oku tala‘ofa mai ‘e he Tohi Tapú ko e fa‘ahinga ‘o e tangatá ‘e malava ke nau fiefia ‘i he mo‘uí ‘o ta‘engata ‘i he māmani Palataisí.
3. ‘E lava fēfē ke ke langa hake ho‘o falala ki he ‘amanaki ‘oku ‘omai ‘e he Tohi Tapú?
Ko e kakai tokolahi ‘oku nau ‘amanaki ke hoko ha ngaahi me‘a lelei, ka ‘oku ‘ikai lava ke nau fakapapau‘i pe ‘e faifai ange pea hoko ‘enau ngaahi ‘amanakí. ‘Oku kehe ‘a e me‘a ia ‘oku tala‘ofa mai ‘e he Tohi Tapú. ‘Oku lava ke langa hake ‘etau falala ki he me‘a ‘oku lea‘aki aí ‘aki hono “vakai‘i fakalelei faka‘aho ‘a e Folofolá.” (Ngāue 17:11) ‘I ho‘o ako ‘a e Tohi Tapú, ‘e malava ai ke ke fili ‘iate koe pē pe ‘e lava ke ke tui ki he me‘a ‘oku lea‘aki ai fekau‘aki mo e kaha‘ú.
KELI LOLOTO ANGE
Sivisivi‘i ‘a e ngaahi tu‘unga ‘e ni‘ihi ‘oku tala‘ofa mai ‘e he Tohi Tapú ki he kaha‘ú. Sio ki he founga hono tokoni‘i ‘e he ‘amanaki ‘oku ‘omai ‘i he Tohi Tapú ‘a e kakaí ‘i he ‘ahó ni.
4. ‘Oku ‘omai ‘e he Tohi Tapú ‘a e ‘amanaki ki he mo‘ui ta‘engata ‘i he ngaahi tu‘unga haohaoa
Vakai ki he lisi ko eni ‘o e ngaahi tala‘ofa ‘oku ‘i he Tohi Tapú. Ko fē ai ‘oku tautefito ‘ene fakamānako kiate koé? Ko e hā hono ‘uhingá?
Lau ‘a e ngaahi konga Tohi Tapu ‘oku hā fakataha mo e ngaahi tala‘ofa ko iá, pea lāulea ki he ongo fehu‘i ko ení:
-
‘Okú ke ongo‘i nai ‘oku ‘omai ‘e he ngaahi konga Tohi Tapu ko ení ha ‘amanaki? ‘E lava nai ke nau ‘omai ‘a e ‘amanaki ki ho fāmilí mo e ngaahi kaume‘á?
Sioloto atu ‘okú ke nofo ‘i ha māmani ‘a ia
|
‘E ‘IKAI HA TAHA ‘E . . . |
KO E TAHA KOTOA TE NE . . . |
|---|---|
|
|
|
|
|
|
|
|
|
|
5. ‘E lava ke ‘omi ‘e he ‘amanaki ‘o e Tohi Tapú ‘a e fakalelei‘anga
Ko e kakai tokolahi ‘oku nau loto-si‘i pe a‘u ‘o ‘ita koe‘uhi ko e ngaahi palopalema ‘oku nau sio ki ai takatakai ‘iate kinautolú. Ko e ni‘ihi ‘oku nau feinga mālohi ke liliu ‘a e ngaahi me‘á ke lelei ange. Sio ki he founga hono tokoni‘i ‘a e kakaí ‘i he taimí ni ‘e he tala‘ofa ‘i he Tohi Tapú fekau‘aki mo e taimi ‘e lelei ange ai ‘a e ngaahi me‘á. Hulu‘i ‘a e VITIOÓ, pea lāulea leva ki he ongo fehu‘i ko ení.
-
‘I he vitioó, ko e hā ‘a e fakamaau ta‘etotonu na‘e hoha‘a ki ai ‘a Rafika?
-
Neongo na‘e ‘ikai ngata ‘a e fakamaau ta‘etotonu na‘á ne sio ki aí, na‘e anga-fēfē hono tokoni‘i ia ‘e he Tohi Tapú?
Ko e ‘amanaki ‘oku ‘omai ‘e he Tohi Tapú ki he kaha‘ú ‘e lava ke ne tokoni‘i kitautolu ke faitau mo e fakalotosi‘í pea fekuki lavame‘a mo ‘etau ngaahi palopalemá. Lau ‘a e Palōveepi 17:22 mo e Loma 12:12, pea lāulea leva ki he ongo fehu‘i ko ení:
-
‘Okú ke fakakaukau ‘e lava ‘e he pōpoaki ‘o e ‘amanaki ‘oku ma‘u ‘i he Tohi Tapú ‘o ‘ai ke lelei ange ho‘o mo‘uí he taimí ni? Ko e hā hono ‘uhingá?
‘OKU PEHĒ ‘E HE NI‘IHI: “Ko e ngaahi tala‘ofa ‘a e Tohi Tapú ki he kaha‘ú ‘oku fu‘u tōatu ia ke fai ha tui ki ai.”
-
Ko e hā ‘okú ke fakakaukau ai ‘oku mahu‘inga ke sivisivi‘i ‘a e fakamo‘oni ko e ngaahi tala‘ofa ‘i he Tohi Tapú ‘e hoko mo‘oní?
FAKANOUNOU
‘Oku ‘omai ‘e he Tohi Tapú kiate kitautolu ‘a e ‘amanaki pea tokoni‘i kitautolu ke tau fekuki mo e ngaahi polé ‘aki hono tala‘ofa mai ha kaha‘u ‘oku fonu ‘i he fiefiá.
Fakamanatu
-
Ko e hā ‘oku fiema‘u ai ‘e he kakaí ‘a e ‘amanakí?
-
Ko e hā ‘oku lea‘aki ‘e he Tohi Tapú fekau‘aki mo e kaha‘ú?
-
‘Oku lava fēfē ke tokoni‘i koe he taimí ni hono ma‘u ‘a e ‘amanaki ki he kaha‘ú?
AKO LAHI ANGE
Ako lahi ange fekau‘aki mo e mālohi ‘o e ‘amanakí.
Vakai ki he founga ‘e lava ke tokoni‘i ai ‘e he ‘amanaki ki he kaha‘ú ‘a e fa‘ahinga ‘oku nau fe‘ao mo e mahaki tauhí.
“Fe‘ao mo ha Mahaki Tauhi—‘E Lava ke Tokoni ‘a e Tohi Tapú?” (Kupu ‘i he uepisaití)
Lau fekau‘aki mo e founga na‘e liliu ai ‘a e mo‘ui ha tokotaha na‘á ne fa‘a taukapo‘i ‘a e fakamaau totonu ‘i he sōsaietí ‘i he‘ene ako fekau‘aki mo e ‘amanaki ‘o e Tohi Tapú ki he kaha‘ú.
“‘Oku ‘Ikai Ke U Toe Ongo‘i ‘Oku Fiema‘u Ke U Liliu ‘a e Fo‘i Māmaní” (To‘o mei he Ko e Taua Le‘o)
Te Ke Fie Vakai Foki ki Heni
NGAAHI FEHUʻI ʻOKU TOUTOU ʻEKE
Ko e Hā ʻa e Polokalama Ako Tohi Tapu ʻOku Fai ʻe he Kau Fakamoʻoni ʻa Sihová?
ʻI he polokalama ako fetalanoaʻaki taʻetotongi ʻa e Kau Fakamoʻoni ʻa Sihová, ʻe lava ke ke ngāueʻaki ai ha faʻahinga liliu Tohi Tapu pē. Ongoʻi tauʻatāina ke fakaafeʻi ʻa e kotoa ho fāmilí pe kaumeʻá ke kau fakataha mo koe.
