Batho ba le bantsi ba tsaya go tshela go sena tlhaolele e le go ijesa dijo tsa ditoro.

•    “Tlhaolele ya semorafe e teng mo lefatsheng lotlhe mme e senya mekgatlho le batho. Tlhaolele e dira gore batho ba se ka ba tshwarana sentle.”—António Guterres, Mokwaledikakaretso wa UN.

 A tlhaolele ya semorafe e tla tsamaya e fela? Baebele e a reng?

 Baebele e re ruta gore Modimo o leba jang batho ba ba tswang mo merafeng e e farologaneng.

•    “[Modimo] o dirile batho ba ditšhaba tsotlhe go tswa mo mothong a le mongwe gore ba nne mo godimo ga lefatshe lotlhe.”—Ditiro 17:26.

•    “Modimo ga a na tlhaolele, mme o amogela motho mongwe le mongwe yo o tswang mo setšhabeng sengwe le sengwe yo o mmoifang e bile a dira se se siameng.”—Ditiro 10:34, 35.

 Baebele e bontsha gore batho botlhe ke karolo ya lelapa le le lengwe fela le gore Modimo o amogela batho ba ba tswang mo merafeng yotlhe.

 Bogosi jwa Modimo e leng puso e e kwa legodimong, bo tlile go fedisa tlhaolele. Puso eo e tla ruta batho gore ba dirisane sentle. Batho ba tla ithuta go fetola maikutlo a ba nang le one a go tlhaola ba bangwe.

•    “Banni ba lefatshe ba [tla] ithuta ka ga tshiamo.”—Isaia 26:9.

•    “Diphelelo tsa tshiamo ya boammaaruri e tla nna kagiso, e bile tuelo ya tshiamo ya boammaaruri e tla nna maemo a a ritibetseng le polokesego tse di nnelang ruri.”—Isaia. 32:17.

 Gompieno batho ba le dimilione ba ithuta Baebele mme e ba thusa go tlotla ba bangwe le go dirisana le bone sentle.

•    Go ithuta mo go oketsegileng, bala makasine wa Tsogang! wa setlhogo se se reng “A tlhaolele e tla fela?”

•    Go bona gore batsadi ba ka tlotla jang le bana ba bone ka kgang eno, bala setlhogo se se reng “Talking to Children About Racism.”