Dikarabo Tsa Dipotso Tsa Baebele
Bana ba ka rata Modimo jang?
Ruta ngwana ka popo gore a itse Modimo le go mo rata
Bana ba gago ba ka rata Modimo fela fa ba na le bosupi jwa gore Modimo o teng le gore o a ba rata. Gore ba rate Modimo, ba tshwanetse go mo itse. (1 Johane 4:8) Ka sekai, ba tshwanetse go itse gore: Ke eng fa Modimo a bopile motho? Goreng Modimo a letlelela batho gore ba boge? Modimo o tla direla batho eng mo isagweng?—Bala Bafilipi 1:9.
Fa o batla go thusa bana ba gago go rata Modimo, o tshwanetse go ba bontsha gore o a mo rata. Fa ba bona seo, ba ka latela sekao sa gago.—Bala Duteronome 6:5-7; Diane 22:6.
O ka fitlhelela dipelo tsa bana ba gago jang?
Lefoko la Modimo le maatla. (Bahebera 4:12) Ka jalo, ruta bana ba gago dithuto tsa lone tsa motheo. Jesu o ne a fitlhelela dipelo tsa batho ka go botsa dipotso, go reetsa le go tlhalosa Dikwalo. O ka fitlhelela dipelo tsa bana ba gago ka go etsa ditsela tsa ga Jesu tsa go ruta.—Bala Luke 24:15-19, 27, 32.
Mo godimo ga moo, dipego tsa Baebele tsa kafa Modimo a neng a dirisana le batho ka gone di ka thusa bana go itse Modimo le go mo rata. Dikgatiso tse di diretsweng go thusa bana di teng mo www.isa4310.com/tn.—Bala 2 Timotheo 3:16.
Tse Dingwe Tse O ka Di Kgatlhegelang
BANA
Nna Tsala ya ga Jehofa
Dibidio, dipina le diporojeke tseno di thusa bana go ithuta gore ba ka itumedisa Modimo jang.
BUKA YA ME YA DIPOLELO TSA BAEBELE
Buka Ya me Ya Dipolelo Tsa Baebele—Matseno
Dipolelo tse di boammaaruri tse di tswang mo bukeng e kgolo go gaisa tsotlhe, Baebele, di tlhalosa hisitori ya lefatshe go simolola ka go bopiwa ga lefatshe go ya pele.
DIBUKA LE DIBUKANA
