O ka Nna le Masego a a Tswang Kwa Modimong

TSHAMEKA

Modimo o ile a solofetsa moporofeti Aborahame gore ditlogolwana tsa gagwe di ne di tla tlisa masego mo “setšhaba sotlhe sa lefatshe.” (Genesise 22:18) Go ne go buiwa ka mang?

Dingwaga di ka nna 2 000 tse di fetileng, Modimo o ile a naya setlogolwana sa ga Aborahame e leng Jesu maatla a go dira dikgakgamatso. Seno se ne se bontsha gore se Modimo a ileng a se solofetsa Aborahame se ne se tla diragadiwa ka Jesu.—Bagalatia 3:14.

Dikgakgamatso tse Jesu a neng a di dira di ne di thusa batho go bona gore ke ene yo Modimo a mo tlhophileng gore a tlisetse batho masego.Gape di ne di bontsha dingwe tsa dinonofo tse a nang le tsone.

Bonolo—Jesu o ne a fodisa ba ba lwalang.

Nako nngwe fa molepero a ne a kopa Jesu gore a mo fodise, Jesu o ile a mo kgoma a bo a mo raya a re: “Ke a batla!” Mme monna yoo o ile a fola.—Mareko 1:40-42.

Bopelotshweu—Jesu o ne a fepa ba ba tshwerweng ke tlala.

Jesu o ne a sa batle gore batho ba bolawe ke tlala. Nako nngwe o ile a fepa batho ba le bantsi. (Mathaio 14:17-21; 15:32-38) Batho ba ne ba ja ba bo ba kgora, mme go ne ga sala dijo tse dingwe gape.

Kutlwelobotlhoko—Jesu o ne a tsosa baswi.

Fa mosadi mongwe wa motlholagadi a ne a tlhokafaletswe ke morwawe, Jesu o ne a mo “tlhomogela pelo” mme a tsosa ngwana wa gagwe.—Luke 7:12-15.

KE MASEGO AFE A RE TLA ITUMELELALANG ONE MO LEFATSHENG?

Jesu o setse a re bontshitse gore Modimo o na le maatla a go re tlisetsa masego a le mantsi. Go ise go ye kae, Modimo o tla boa gape a dirisa Jesu go dira dikgakgamatso tse di fetang tse a ileng a di dira mo nakong e e fetileng!

Re tla bo re tshela jang fa Modimo a diragatsa ditsholofetso tse a ileng a di solofetsa Aborahame. Ba ba reetsang ditaelo tsa Modimo le ba ba mo ratang “ba tla rua lefatshe” mme ba tla nna le “boitumelo jo bogolo mo letlotlong la kagiso.” (Pesalema 37:11) “Loso lo tla bo lo seyo, le fa e le khutsafalo le fa e le selelo le fa e le botlhoko di tla bo di sa tlhole di le gone.”—Tshenolo 21:4.

Tota ke lengwe la masego a magolo go tshelela ruri mo lefatsheng! Go na le masego a mantsi a Bogosi Jwa Modimo bo tlileng go re tlisetsa one. Tsena mo www.isa4310.com/tn mme o ithute ka mangwe a masego ao.

Tse Dingwe Tse O ka Di Kgatlhegelang

DITHUTO TSA BOTLHOKWA TSA BAEBELE

Goreng Modimo a Ile a Bopa Lefatshe?

Lefatshe la rona le tletse ka dilo tse dintle. Ga a dira gore le nne gaufi thata le letsatsi kgotsa kgakala thata le lone, gape o ile a dira gore le dikologe ka lobelo lo lo lekaneng. Goreng Modimo a ile a tsaya matsapa a makanakana go dira gore lefatshe le nne lentle thata jaana?

TORA YA TEBELO