Baebele ya Reng ka Kgang Eno?
A Baebele e ka go thusa go lebana le go tlhobaela?
O ne o ka reng?
Ee
Nnyaa
Gongwe
Se Baebele e se buang
“[Latlhelang] tlhobaelo yotlhe ya lona mo [Modimong], ka gonne o a lo kgathalela.” (1 Petere 5:7) Baebele e re tlhomamisetsa gore Modimo a ka re imolola mo ditlhobaelong tse re lebanang le tsone.
Se gape re se ithutang mo Baebeleng
Fa o rapela, o ka nna le “kagiso ya Modimo” e e fokotsang go tlhobaela.—Bafilipi 4:6, 7.
Gape go bala Lefoko la Modimo go tla go thusa gore o se ka wa tshwenyega thata.—Mathaio 11:28-30.
A go tlhobaela go tla tsamaya go fela?
Batho bangwe ba dumela gore . . . go tlhobaela le go tshwenyega ke karolo ya botshelo mme ba bangwe bone ba dumela gore go tlhobaela go fela fa o sena go tlhokafala. Wena o akanya eng?
Se Baebele e se buang
Modimo o tla fedisa dilo tse di re tlhobaetsang. “Loso lo tla bo lo seyo, le fa e le khutsafalo le fa e le selelo le fa e le botlhoko di tla bo di sa tlhole di le gone.”—Tshenolo 21:4.
Se gape re se ithutang mo Baebeleng
Fa Bogosi Jwa Modimo bo busa, go tla bo go na le kagiso.—Isaia 32:18.
Go tlhobaela le go tshwenyega thata go tla bo go seyo.—Isaia 65:17.
Tse Dingwe Tse O ka Di Kgatlhegelang
TSOGANG!
Ditsela Tsa go Laola Kgatelelo ya Maikutlo
Kgakololo e e mosola ya Baebele e ka go thusa go laola kgatelelo ya maikutlo e e bakwang ke dilo tse nnè tse di tlwaelegileng.
BAEBELE YA THANOLO YA LEFATSHE LE LESHA (E TLHABOLOTSWE KA 2021)
Ke Eng se se ka go Thusang fa o Tlhobaela?
Fa o na le seterese, Baebele e ka go thusa.
