Baebele ya Reng ka Kgang Eno?
A go tla tsamaya go nna le tshiamiso mo lefatsheng?
O ne o ka reng?
Ee
Nnyaa
Gongwe
Se Baebele e se buang
“Ke itse sentle gore Jehofa o tla diragatsa kopo e e kafa molaong ya yo o bogisiwang, katlholo ya bahumanegi.” (Pesalema 140:12) Bogosi Jwa Modimo bo tla tlisa tshiamiso mo lefatsheng.
Se gape re se ithutang mo Baebeleng
Modimo o bona tshiamololo e e diregang mo lefatsheng mme o tlile go e baakanya.—Moreri 5:8.
Fa Modimo a tlisa tshiamiso, go tla nna le kagiso le polokesego mo lefatsheng. —Isaia 32:16-18.
A go na le setlhopha sa batho ba Modimo a ba ratang thata go feta ba bangwe?
Batho bangwe ba dumela gore go na le batho bangwe ba Modimo a ba segofaditseng le ba a hutsitseng mme batho bangwe ba dumela gore Modimo o dirisana le rona rotlhe ka tsela e e tshwanang. Wena o akanya eng?
Se Baebele e se buang
“Modimo ga a na tlhaolele, mme mo setšhabeng sengwe le sengwe motho yo o mmoifang a ba a dira tshiamo o a amogelesega mo go ene.” (Ditiro 10:34, 35) Modimo o tsaya batho ka go tshwana.
Se gape re se ithutang mo Baebeleng
Baebele e na le “dikgang tse di molemo” tse batho ba ‘setšhaba sengwe le sengwe le lotso le teme,’ ba ka itumelelang go di utlwa.—Tshenolo 14:6.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
A Modimo ke Ene a Dirang Gore re Boge?
Mongwe le mongwe a ka boga—tota le ba ba amogelwang ke Modimo. Ka ntlha yang?
BAEBELE E FETOLA MATSHELO A BATHO
Ke ne Ke Batla go Lwantsha Tshiamololo
Rafika o ne a tsenela mokgatlho o o neng o lwela go fedisa dilo tse di neng di sa dirwe sentle. Mme fa a ne a bala Baebele, o ile a ithuta gore Modimo o tlile go tlisa kagiso mo lefatsheng a dirisa Bogosi jwa Gagwe.
