A Dielemente di Itlhagetse Fela?

“SENGWE le sengwe mo Lobopong, le e leng naledi e e kwa kgakalakgakala, se dirilwe ka diatomo,” go tlhalosa jalo The Encyclopedia of Stars & Atoms. Atomo nngwe le nngwe fa e le nosi fela e nnye thata gore motho a ka e bona, mme fa di kgobokane mmogo di dira dielemente tse di tlwaelegileng tsa dikhemikale. Dingwe tsa dielemente tseno ke dilo tse di thata tse re kgonang go di bona; tse dingwe ke digase tse re sa kgoneng go di bona. A go ka twe dielemente tseno tsa dikhemikale di itlhagetse fela?

Elemente 1 Go ya Go 92

Le mororo haeterojene e le atomo e e sa raraanang thata mo diatomong tsotlhe, e tukisa dinaledi jaaka letsatsi la rona mme e na le seabe sa botlhokwa mo botshelong. Atomo ya haeterojene e na le porotone e le nngwe mo nyutleaseng ya yone le ileketerone e le nngwe e e dikologang nyutlease eo. Dielemente tse dingwe tsa dikhemikale, jaaka khabone, okosejene, gouta le mekhuri, di dirilwe ka diatomo tse di nang le diileketerone tse dintsi tse di dikologang nyutlease e e nang le diporotone le dinyuterone di le dintsi.

Dingwaga di ka nna 450 tse di fetileng, go ne go itsiwe dielemente di le 12 fela tsa dikhemikale. Fa go lemogwa tse dingwe tse di oketsegileng, borasaense ba ne ba lemoga gore di rulagantswe sentle. Mme fa dielemente di ne di tsenngwa mo tšhateng ka mela le dikholomo, borasaense ba ne ba lemoga gore dielemente tse di leng mo kholomong e le nngwe di na le mekgwa e di tshwanang ka yone. Mme gape go ne go na le dibaka tse go neng go sa kwala sepe mo go tsone mo tšhateng, tse di emelang dielemente dingwe tse di sa itseweng. Seno se ne sa felela ka gore rasaense wa Mo-Russia e bong Dmitry Mendeleyev a bolelele pele ka go nna gone ga elemente nngwe ya nomoro ya atomo ya 32, germanium, mmogo le mmala wa yone, boima, go kitlana ga yone, le themperetšha e e gakologang mo go yone. Bukathuto nngwe ya saense ya 1995 ya Chemistry, e bolela gore dilo tse Mendeleyev a neng a di “bolelela pele ka dielemente tse dingwe tse di tlhaelang—gallium le scandium—le tsone go ne ga fitlhelwa di le boammaaruri thata.”

Fa nako e ntse e tsamaya, borasaense ba ne ba bolelela pele ka go nna gone ga dielemente tse dingwe tse di sa itsiweng le mekgwa mengwe ya tsone. Kgabagare dielemente tsotlhe tse di neng di tlhaela di ne tsa bonwa. Ga go tlhole go na le dibaka dipe tse go sa kwalwang sepe mo go tsone mo tšhateng. Tsela e e tlwaelegileng e dielemente di rulagantsweng ka yone e theilwe mo palong ya diporotone tse di leng mo nyutleaseng ya diatomo tsa tsone, go simolola ka elemente ya 1, haeterojene, go tswelela jalo go fitlha ka elemente ya bofelo e gantsi e nnang teng ka tlholego fela mo lefatsheng, ya bo92, e leng yuraniamo. A seno se itiragaletse fela?

Gape, akanya ka mefuta e mentsi ya dielemente tse di farologaneng tsa dikhemikale. Gouta le mekhuri ke dielemente tse di nang le mebala e e tlhomologileng e e bakaselang. E nngwe e thata, mme e nngwe ke seedi. Le fa go ntse jalo, di latelana e le dielemente 79 le 80. Atomo ya gouta e na le diileketerone di le 79, diporotone di le 79, le dinyuterone  di le 118. Atomo ya mekhuri e feta ya gouta ka ileketerone e le nngwe, porotone e le nngwe mme e na le dinyuterone tse di batlileng di lekana le tsa gouta.

A go itiragaletse fela gore phetogonyana eno mo thulaganyong ya dikarolwana tsa atomo e dire gore go nne le mefuta e le mentsi jaana e e farologaneng ya dielemente? Mme go tweng ka maatla a a tshwaragantseng dikarolwana tsa diatomo tseno mmogo? The Encyclopedia of Stars & Atoms e tlhalosa jaana: “Go tswa kwa karolwaneng e nnye thata ya lone go ya kwa lesagaripeng la lone le legolo go a feta otlhe, sengwe le sengwe mo Lobopong se latela melao e e tlhalosiwang ke melao ya fisikisi.” Akanya fela gore go ne go tla diregang fa nngwe ya melao eo e ne e ka fetoga. Ka sekai, go ne go tla diregang fa go ne go ka fetolwa maatla a a dirang gore diileketerone di nne di ntse di dikologa nyutlease ya atomo?

Maatla a Tlholego a a Rulagantsweng Sentle

Akanya fela gore go ne tla felela ka eng fa maatla a motlakase a a gogelang a ne a ka koafadiwa. “Diileketerone di ka se tlhole di gokagana mmogo le diatomo,” go akgela jalo Dr. David Block mo bukeng ya gagwe ya Star Watch. Tota seno se ne se tla bo se bolelang? O oketsa jaana: “Re ne re tlile go nna le lobopo lo mo go lone dikhemikale di neng di se kitla di kgona go fetoga!” A bo re ipela thata jang ne go bo re na le melao e e tlhomameng e e dirang gore dikhemikale di kgone go fetoga! Ka sekai, diatomo tse pedi tsa haeterojene di kopana le atomo e le nngwe ya okosejene go dira molekhule wa metsi a a leng botlhokwa thata.

Maatla a motlakase a a gogelang a bokoa mo e ka nnang ga 100 go feta maatla a a nonofileng a nuklea a a tshwaraganyang dinyutlease tsa diatomo mmogo. Go ne go tla direga eng fa selekanyo seno se ne se ka fetolwa? “Fa go nonofa go go lekanyeditsweng ga maatla a nuklea le maatla a motlakase a a gogelang go ne go ka fetoga go le gonnye, he go ka bo go se na diatomo tsa khabone,” go tlhalosa jalo borasaense John Barrow le Frank Tipler. Kwantle ga khabone, go ka bo go se na botshelo. Diatomo tsa khabone di dira diperesente di le 20 tsa boima jwa ditshedi tsotlhe.

Gape selo se sengwe se se botlhokwa thata ke maatla a motlakase a a gogelang fa a bapisiwa le maatlakgogedi. Makasine wa New Scientist o tlhalosa jaana: “Fa nonofo e e lekanyeditsweng ya maatlakgogedi le ya maatla a motlakase a a gogelang e ne e ka fetolwa go le gonnye fela, seno se ne se tla dira gore dinaledi tse di jaaka Letsatsi di fetoge go nna dinaledi tse dikgolo thata tse di botala jwa legodimo [tse mogote wa tsone o tla palelang ditshedi] kana go nna dinaletsana tse dikhibidu [tse di seng mogote o o lekaneng go dira gore dilo di kgone go tshela].”

Mofuta o mongwe wa maatla, e leng maatla a a bokoa a nuklea, a laola lebelo le dinyutlease di fetogang ka lone mo letsatsing. Mankge mongwe wa fisikisi e bong Freeman Dyson o tlhalosa jaana: “A bokoa thata mo e leng gore haeterojene e e mo letsatsing e tuka ka bonya le ka iketlo.” Go na le dikai tse dingwe tse dintsi tse go ka buiwang ka tsone tse di bontshang kafa botshelo jwa rona bo ikaegileng ka gone ka melao le maemo a a lekanyeditsweng sentle ka matsetseleko a a fitlhelwang mo lobopong. Mokwadi wa saense e bong Porofesa Paul Davies o ne a bapisa melao le maemo ano a lobopo le sete ya dikonopo a bo a re: “Go bonala e kete dikonopo tseno di tshwanelwa ke go rulaganngwa gore di nne mo lefelong le le tshwanelang kgo, gore lobopo lo tswelele lo na le botshelo.”

Bogologolo pele Sir Isaac Newton a lemoga molao wa maatlakgogedi, Baebele e ne ya bua ka melao e e ntseng jalo e e tlhomameng. Jobe o ne a bodiwa jaana: “A o ne wa bolela melao e e laolang magodimo, kana wa tlhoma melao ya tlholego mo lefatsheng?” (Jobe 38:33, The New English Bible) Dipotso tse dingwe tse di dirang gore a ikokobetse tse a neng a di bodiwa e ne e le, “E rile ke thaya metheo ya lefatshe, wa bo o le fa kae?” le “E mang yo o tlhomileng dilekanyo tsa lone, fa o itse?”—Jobe 38:4, 5. 

[Lebokoso mo go tsebe 6]

DIELEMENTE TSE DI BOTLHOKWA

Dielemente tsa dikhemikale tsa haeterojene, okosejene le khabone, di dira diperesente di ka nna 98 tsa diatomo mo mmeleng wa gago. Morago ga moo go tle naeterojene, e e leng diperesente tse dingwe tse 1,4. Dielemente tse dingwe di dira diperesente tse dinnye thata, mme le fa go ntse jalo, di a tlhokega gore motho a tshele

[Tšhate/Setshantsho mo go tsebe 6, 7]

(Go bona mokwalo o o feletseng, leba kgatiso)

 Go tloga ka nako e dielemente di neng di kwalwa ka yone, borasaense ba ile ba bona dielemente 93 le go feta, go ya go elemente ya 118 mme le yone e akareditswe. Go akanngwa gore dielemente tseno di sa ntse di tshwanela tsela e “periodic table” e rulagantsweng ka yone.

[Motswedi wa Setshwantsho]

Motswedi: Los Alamos National Laboratory

Leina la elemente Letshwao Nomoro ya atomo

(palo ya diporotone)

hydrogen H 1

helium He 2

lithium Li 3

beryllium Be 4

boron B 5

carbon C 6

nitrogen N 7

oxygen O 8

fluorine F 9

neon Ne 10

sodium Na 11

magnesium Mg 12

aluminum Al 13

silicon Si 14

phosphorus P 15

sulfur S 16

chlorine Cl 17

argon Ar 18

potassium K 19

calcium Ca 20

scandium Sc 21

titanium Ti 22

vanadium V 23

chromium Cr 24

manganese Mn 25

iron Fe 26

cobalt Co 27

nickel Ni 28

copper Cu 29

zinc Zn 30

gallium Ga 31

germanium Ge 32

arsenic As 33

selenium Se 34

bromine Br 35

krypton Kr 36

rubidium Rb 37

strontium Sr 38

yttrium Y 39

zirconium Zr 40

niobium Nb 41

molybdenum Mo 42

technetium Tc 43

ruthenium Ru 44

rhodium Rh 45

palladium Pd 46

silver Ag 47

cadmium Cd 48

indium In 49

tin Sn 50

antimony Sb 51

tellurium Te 52

iodine I 53

xenon Xe 54

cesium Cs 55

barium Ba 56

lanthanum La 57

cerium Ce 58

praseodymium Pr 59

neodymium Nd 60

promethium Pm 61

samarium Sm 62

europium Eu 63

gadolinium Gd 64

terbium Tb 65

dysprosium Dy 66

holmium Ho 67

erbium Er 68

thulium Tm 69

ytterbium Yb 70

lutetium Lu 71

hafnium Hf 72

tantalum Ta 73

tungsten W 74

rhenium Re 75

osmium Os 76

iridium Ir 77

platinum Pt 78

gold Au 79

mercury Hg 80

thallium Tl 81

lead Pb 82

bismuth Bi 83

polonium Po 84

astatine At 85

radon Rn 86

francium Fr 87

radium Ra 88

actinium Ac 89

thorium Th 90

protactinium Pa 91

uranium U 92

neptunium Np 93

plutonium Pu 94

americium Am 95

curium Cm 96

berkelium Bk 97

californium Cf 98

einsteinium Es 99

fermium Fm 100

mendelevium Md 101

nobelium No 102

lawrencium Lr 103

rutherfordium Rf 104

dubnium Db 105

seaborgium Sg 106

bohrium Bh 107

hassium Hs 108

meitnerium Mt 109

110

111

112

114

116

118

[Setshwantsho]

(Go bona mokwalo o o feletseng, leba kgatiso)

A tsela e dielemente tsa “periodic table” di rulagantsweng ka yone e bontsha gore di itlhagetse fela kana di dirilwe ke mongwe yo o botlhale?

Atomo ya heliamo

Ileketerone

Porotone

Nyuterone

[Setshwantsho mo go tsebe 7]

(Go bona mokwalo o o feletseng, leba kgatiso)

Ke eng se se dirang gore maatla a manè a tlholego a tsamaisane?

MAATLA A A GOGELANG A MOTLAKASE

MAATLA A A NONOFILENG A NUKLEA

MAATLAKGOGEDI

MAATLA A A BOKOA A NUKLEA

Molekhule wa metsi

Nyutlease ya atomo

Naledi e kgolo thata e e botala jwa legodimo

Naletsana e khibidu

Letsatsi