Isaia 31:1-9
31 Ruri go latlhega ba ba yang kwa Egepeto ba ya go batla thuso,+Ba ba ikaegang ka dipitse,+Ba ba ikanyang dikara tsa ntwa ka gonne di le dintsi,Le dipitse tsa ntwa* ka gonne di na le maatla.
Mme ga ba lebe kwa Modimong yo o Boitshepo wa Iseraele,E bile ga ba senke Jehofa.
2 Mme le ene o botlhale e bile o tla tlisa masetlapelo,E bile ga a kitla a busetsa mafoko a gagwe kwa morago.
O tla tlhasela ntlo ya badirabosulaE bile o tla tlhasela ba ba thusang batho ba ba dirang dilo tse di sa siamang.+
3 Mme gone, Baegepeto ke bathonyana fela, ga se Modimo;Dipitse tsa bone ke nama mme ga se ditshedi tsa semoya.+
Fa Jehofa a otlolola seatla sa gagwe,Ope fela yo o thusang o tla kgopiwaLe ope fela yo o thusiwang o tla wa;Botlhe ba tla nyelela ka nako e le nngwe.
4 Gonne seno ke se Jehofa a neng a se mpolelela:
“Fela jaaka tau e kurutla, e leng tawana* e e maatla, ka ntlha ya se e se tsomang,Fa setlhopha sotlhe sa badisa se biditswe gore se tle go e tlhasela,Mme e sa tshosiwe ke mantswe a boneKgotsa e sa boifisiwe ke modumo wa bone,Ka tsela e e tshwanang, Jehofa wa masomosomo o tla tla go bolotsa ntwaKa ntlha ya Thaba ya Siona le thota ya gagwe.
5 Fela jaaka dinonyane tse di fologelang kwa tlase gore di phamole sengwe,Jehofa wa masomosomo le ene o tla femela Jerusalema jalo.+
O tla mo femela a bo a mo golola.
O tla mo sireletsa a bo a mo falotsa.”
6 “Lona batho ba Iseraele, boelang kwa go Ene yo lo mo tlhanogetseng botlhoko.+
7 Gonne mo letsatsing leo mongwe le mongwe o tla latlha medimo ya gagwe e e se nang mosola ya selefera le medimo ya gagwe e e se nang mosola ya gauta, e lo neng lwa leofa ka go e dira.
8 Mme Moasiria o tla wa ka tšhaka, e seng tšhaka ya motho;E bile o tla bolawa ka tšhaka, e seng tšhaka ya motho.+
O tla tshaba ka ntlha ya tšhaka,Mme makawana a gagwe a tla patelediwa go dira tiro e e boima.
9 Lefika la gagwe le tla feta ka ntlha ya letshogo le legolo,Le dikgosana tsa gagwe di tla tshoga ka ntlha ya kota ya sesupo,” go bua Jehofa,Yo lesedi* la gagwe le leng kwa Siona le yo molelo wa gagwe o mogolo o leng kwa Jerusalema.
Dintlha Tse di Kwa Tlase
^ Kgotsa “bapalami ba dipitse.”
^ Kgotsa “tawana e e seriri.”
^ Kgotsa “molelo.”
