Dipesalema 5:1-12
Go mokaedi wa Nehilothe.* Pina ya ga Dafide.
5 Reetsa mafoko a me, tlhe Jehofa;+Bona matshwenyego a me.
2 Tlhwaela tsebe selelo sa me sa go kopa thuso,Tlhe Kgosi ya me le Modimo wa me, ka gonne ke rapela wena.
3 Jehofa, o tla utlwa lentswe la me mo mosong;+Mo mosong ke tla go bolelela se se ntshwenyang+ ke bo ke leta ke na le tsholofelo.
4 Gonne ga o Modimo yo o itumelelang bosula;+Ga go na ope yo o bosula yo o ka nnang mo lefelong la gago.+
5 Ga go na motho ope yo o mabela yo o ka emang fa pele ga gago.
O tlhoile botlhe ba ba itshwarang ka tsela e e sa siamang;+
6 O tla senya ba ba buang maaka.+
Jehofa o tlhoile batho ba ba ratang thubakanyo le ba ba tsietsang.*+
7 Mme ke tla tsena mo ntlong ya gago+ ka ntlha ya lorato lwa gago lo logolo lo lo sa kgaotseng;+Ke tla ikoba ke lebile ntlheng ya tempele ya gago e e boitshepo* gore ke go boife le go go tlotla.+
8 Ao tlhe Jehofa, nkgogele mo ditseleng tsa gago tse di siameng ka ntlha ya baba ba me;Dira gore tsela ya gago e se ka ya nna le dilo tse di tla nkgoreletsang.+
9 Gonne ga go na sepe se ba se buang se se ka ikanngwang;Mo teng ga bone go tletse bobaba fela;Mometso wa bone o tshwana le lebitla le le bulegileng;Ba tsietsa batho ka loleme lwa bone.*+
10 Le fa go ntse jalo, Modimo o tla bua gore ba molato;Maano a bone a tla dira gore ba we.+
E kete ba ka lelekwa ka ntlha ya melato ya bone e mentsi,Gonne ba go tlhanogetse.
11 Mme botlhe ba ba tshabelang mo go wena ba tla itumela;+Ba tla goa ka boitumelo ka metlha.
O tla thibela ba ba batlang go ba utlwisa botlhoko,Mme ba ba ratang leina la gago ba tla itumela ka ntlha ya gago.
12 Gonne o tla segofatsa ope fela yo o siameng Jehofa;O tla ba amogela. O tla ba sireletsa jaaka e kete ka thebe e kgolo.+
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “motho yo o tshololang madi le yo o tsietsang.”
^ Kgotsa “ya lefelo la gago le le boitshepo.”
^ Kgotsa “Ba dirisa loleme lo lo borethe.”
