Dipesalema 40:1-17
Go mokaedi. Pesalema ya ga Dafide. Pina.
40 Ke ne ke solofetse* mo go Jehofa ka tlhoafalo,Mme o ne a ntshekegela tsebe* mme a nkutlwa fa ke goa ke kopa thuso.+
2 O ne a nketsha* mo khuting e e nang le modumo o o kurutlang,A nketsha mo seretseng se se metsi.
Mme o ne a baya dinao tsa me mo lefikeng;O ne a dira gore dikgato tsa me di tie.
3 Go tswa foo, o ne a tsenya pina e ntšha mo molomong wa me,+Pako e e yang kwa Modimong wa rona.
Ba le bantsi ba tla leba ba gakgametseMme ba tla ikanya Jehofa.
4 Go itumela motho yo o ikanyang JehofaLe yo o sa retologeleng kwa bathong ba ba bodipa kgotsa kwa bathong ba ba seng boammaaruri.*
5 Jehofa Modimo wa me,O dirile dilo di le dintsi thata,E leng ditiro tsa gago tse di gakgamatsang le dikakanyo tsa gago ka rona.+
Ga go na ope yo o ka tshwantshiwang le wena;+Fa ke ne nka leka go di umaka le go bua ka tsone,Ke ne nka se kgone ka gonne di dintsi thata gore nka di bala.+
6 Ga o a ka wa eletsa* setlhabelo le mpho,+Mme o ne wa bula ditsebe tsa me gore di utlwe.+
Ga o a ka wa kopa ditlhabelo tse di fisiwang le ditlhabelo tsa boleo.+
7 Foo ke ne ka re: “Ke tlile.
Mo momenong* go kwadilwe ka nna.+
8 Ke itumedisiwa* ke go dira thato ya gago, Modimo wa me,+Mme molao wa gago o mo pelong ya me.+
9 Ke bolela dikgang tse di molemo tsa tshiamo mo phuthegong e kgolo.+
Ga ke a ithiba molomo,+Fela jaaka o itse seo sentle, Jehofa.
10 Ga ke fitlhe tshiamo ya gago mo pelong ya me.
Ke itsise boikanyegi jwa gago le poloko ya gago.
Ga ke fitlhe lorato lwa gago lo lo sa kgaotseng le boammaaruri jwa gago mo phuthegong e kgolo.”+
11 Ao tlhe Jehofa, o se ka wa gana go nkutlwela botlhoko.
E kete lorato lwa gago lo lo sa kgaotseng le boammaaruri jwa gago di ka ntshireletsa ka metlha.+
12 Masetlapelo a a ntikologileng a mantsi thata gore nka a bala.+
Melato ya me e mentsi thata mo ke sa kgoneng go bona kwa ke yang teng;+E mentsi thata go feta meriri ya tlhogo ya me,E bile ke kgobegile marapo.
13 Tsweetswee tlhe Jehofa, mpoloke.+
Ao tlhe Jehofa, itlhaganele o nthuse.+
14 E kete botlhe ba ba batlang go mpolayaBa ka tlhabiwa ke ditlhong ba bo ba tlontlololwa.
E kete ba ba itumedisiwang ke masetlapelo a meBa ka kata ka morago ba kokobeditswe.
15 E kete ba ba ntshotlang ba re: “O laegile!”
Ba ka gakgamala ka ntlha ya ditlhong tsa bone.
16 Mme a ba ba go direlang+Ba itumele ba bo ba ipele ka ntlha ya gago.+
E kete ba ba ratang ditiro tsa gago tsa poloko ba ka bua ka metlha ba re:
“A Jehofa a tlotlomadiwe.”+
17 Le fa go ntse jalo, ga ke kgone go itira sepe e bile ke humanegile;E kete Jehofa a ka nkela tlhoko.
O mothusi wa me e bile o mogolodi wa me;+Modimo wa me, o se ka wa diega.+
Dintlha Tse di Kwa Tlase
^ Kgotsa “Ke ne ka leta ka bopelotelele.”
^ Kgotsa “a obegela kwa tlase gore a ntheetse.”
^ Kgotsa “nkentsha.”
^ Kgotsa “kwa baaking.”
^ Kgotsa “itumedisiwa ke.”
^ Seheb., “Mo momenong wa buka.”
^ Kgotsa “eletsa.”
