Dipesalema 17:1-15
Thapelo ya ga Dafide.
17 Utlwa kopo ya me ya go direlwa tshiamiso, tlhe Jehofa;Tlhwaela tsebe selelo sa me sa go kopa thuso;Reetsa thapelo ya me e ke e buileng kwantle ga tsietso.+
2 E kete o ka dira tshwetso e e siameng ka nna;+E kete matlho a gago a ka bona se se siameng.
3 O tlhatlhobile pelo ya me, o ntshekatshekile go le bosigo;+O intshekisitse;+O tla bona gore ga ke a loga leano lepe le le bosula,E bile molomo wa me ga o a bua sepe se se phoso.
4 Gape ga ke dire dilo tse dinokwane di di dirang jaaka batho ba bangwe ba dira,Ka gonne ke reetsa mafoko a gago.+
5 Letla gore dikgato tsa me di nne mo ditselaneng tsa gagoGore dinao tsa me di se ka tsa kgopiwa.+
6 Ke goela kwa go wena, ka gonne o tla nkaraba,+ wena Modimo.
Ntshekegele tsebe.* Utlwa mafoko a me.+
7 Bontsha lorato lwa gago lo lo sa kgaotseng ka tsela e e gakgamatsang,+Wena Mmoloki wa ba ba batlang botshabelo ka fa seatleng sa gago sa mojaBa tswa mo go ba ba go tlhanogelang.
8 Ntshireletse jaaka thaka ya leitlho la gago;+Mphitlhe mo moriting wa diphuka tsa gago.+
9 Ntshireletse mo bathong ba ba bosula ba ba ntlhaselang,Mo babeng ba ba batlang go mpolaya ba ba ntikologileng.+
10 Ga ba na kutlwelobotlhoko;*Ba bua ka mabela ka molomo wa bone;
11 Jaanong ba re dikologile;+Ba batla tshono ya gore ba re digele fa fatshe.*
12 Mmaba o tshwana le tau e e ikemiseditseng go gagoganya se e se tsomileng,O tshwana le tawana e e bataletseng e e laletseng sengwe.
13 Dira sengwe, tlhe Jehofa, gore o mo lwantshe+ mme o mo digele fa fatshe;Nkgolole mo bathong ba ba bosula ka tšhaka ya gago;
14 Nkgolole ka seatla sa gago, tlhe Jehofa,Mo bathong ba lefatshe leno,* ba ba tshwenyegileng ka botshelo jwa gone jaanong fela,+Ba o ba nayang dilo tse dintsi tse di molemo+Le ba ba tlogelelang barwa ba bone ba bantsi boswa.
15 Mme nna ke tla bona sefatlhego sa gago ka gonne ke siame;Ke kgotsofaletse go tsoga fa pele ga gago.*+
Dintlha Tse di Kwa Tlase
^ Kgotsa “Obegela kwa tlase mme o ntheetse.”
^ Kgotsa “Ba apesitswe ke mafura a bone.”
^ Kgotsa “ba re latlhele mo mmung.”
^ Seheb., “ba tsamaiso eno ya dilo.” Bona Ditlhaloso Tsa Mafoko.
^ Kgotsa “go bona popego ya gago.”
