Diane 1:1-33
1 Diane tsa ga Solomone,+ morwa Dafide,+ kgosi ya Iseraele;+
2 Diane tseno di kwaletswe gore motho a ithute* botlhale+ le kotlhao;A tlhaloganye mafoko a a botlhale;
3 A amogele kotlhao+ e e dirang gore a nne le temogo,A dire se se siameng,+ a diragatse tshiamiso+ a bo a tlhamalale;*
4 Di naya yo o se nang maitemogelo botlhale;+Di naya lekawana kitso le bokgoni jwa go akanya.+
5 Motho yo o botlhale o a reetsa e bile o amogela thuto e e oketsegileng;+Motho yo o nang le tlhaloganyo o amogela kaelo e e botswerere*+
6 Gore a tlhaloganye seane le polelo ya malepa,*Mafoko a batho ba ba botlhale le dithamalakane tsa bone.+
7 Go boifa* Jehofa ke tshimologo ya kitso.+
Dieleele ke tsone fela di nyatsang botlhale le kotlhao.+
8 Morwaaka, reetsa kotlhao ya ga rrago,+Mme o se ka wa latlha kaelo* ya ga mmago.+
9 Di tshwana le serwalo se sentle sa malômô* mo tlhogong+ ya gagoLe sebaga se sentle mo molaleng+ wa gago.
10 Morwaaka, fa baleofi ba leka go go raela, o se ka wa dumela.+
11 Fa ba re: “Tsamaya le rona.
A re laleleng batho gore re ba bolaye.
Re tla iphitlha gore re letele ba ba se nang molato.
12 Re tla ba kometsa ba tshela fela jaaka Lebitla* le dira,Re tla ba kometsa gotlhelele, fela jaaka ba ba fologelang mo khuting.
13 A re gapeng matlotlo a bone otlhe a a tlhwatlhwakgolo;Re tla tlatsa matlo a rona ka dilo tse re di gapileng.
14 O tshwanetse go tsamaya le rona,*Mme rotlhe re tla kgaogana ka go lekana se re se utswang.”*
15 Morwaaka, o se ka wa ba sala morago.
O se ka wa tsamaya mo tseleng ya bone,+
16 Gonne ba sianela go ya go dira bosula;Ba itlhaganelela go ya go bolaya.+
17 Ruri ke ga lefela go phutholola letlowa nonyane e ntse e lebile.
18 Ke gone ka moo batho bano ba lalelang gore ba bolaye;Ba a iphitlha e bile ba tlhasela batho ba bangwe gore ba ba bolaye.
19 Seno ke se batho ba ba batlang go huma ka ditsela tse di sa siamang ba se dirang,Mme seo se tla fedisa botshelo* jwa bone.+
20 Botlhale jwa boammaaruri+ bo goela kwa godimo mo mmileng.+
Bo nna bo tsholetsa lentswe la jone mo dipatlelong.+
21 Bo tlhaeletsa bo le kwa khoneng* ya ditsela tse di tlhanaselang.
Bo bua jaana bo le kwa dikgorong tsa motse:+
22 “Lona ba lo se nang maitemogelo lo tla rata go tlhoka maitemogelo ka lobaka lo lo kae?
Lona basotli lo tla itumelela go sotla ka lobaka lo lo kae?
Mme lona dimatla lo tla tlhoa kitso ka lobaka lo lo kae?+
23 Amogelang kgalemelo ya me.*+
Foo ke tla lo tshololela moya wa me;Ke tla lo itsise mafoko a me.+
24 E re ka ke ne ka tlhaeletsa kwa go lona, mme lwa nna lwa gana,Ke ne ka otlolola seatla sa me, mme ope a se ka a ntsaya tsia,+
25 Lo ne lwa nna lwa tlhokomologa kgakololo ya meE bile lo ne lwa gana kgalemelo ya me,
26 Le nna ke tla tshega fa lo welwa ke matlhotlhapelo;Ke tla lo sotla fa se lo se boifang se tla,+
27 Fa se lo se boifang se tla jaaka matsubutsubu,Le matlhotlhapelo a lo tlela jaaka phefo ya matsubutsubu,Fa lo welwa ke matshwenyego le mathata.
28 Ka nako eo, ba tla nna ba goela kwa go nna, mme ga nkitla ke ba araba;Ba tla mpatla ka tlhoafalo, mme ga ba kitla ba mpona,+
29 Ka gonne ba ne ba tlhoa kitso,+E bile ga ba a ka ba tlhopha go boifa Jehofa.+
30 Ba ne ba gana kgakololo ya me;Ga ba a ka ba tlotla kgalemelo ya me.
31 Ka jalo, ba tla diragalelwa ke se se ba tshwanetseng* go ya ka ditsela tsa bone,+E bile ba tla tlelwa ke ditlamorago tsa maano* a bone.
32 Gonne ba ba se nang maitemogelo ba tla swa ka gonne ba ntlhanogela,Mme dimatla di tla ya tshenyegong ka gonne di sa kgathale.
33 Le fa go ntse jalo, yo o ntheetsang o tla nna ka pabalesego+E bile ga a kitla a tshwenngwa ke go boifa matlhotlhapelo.”+
Dintlha Tse di Kwa Tlase
^ Seheb., “itse.”
^ Kgotsa “a thokgame.”
^ Kgotsa “kgakololo e e botlhale.”
^ Kgotsa “le setshwantsho.”
^ Kgotsa “tlotla.”
^ Kgotsa “molao.”
^ Kgotsa “dithunya.”
^ Kgotsa “Sheole.” Bona Ditlhaloso Tsa Mafoko.
^ Kgotsa “Re latlhelele bola jwa gago.”
^ Kgotsa “kgaogana kgetsi (sepatšhe) e le nngwe.”
^ Seheb., “ne′phesh.” Bona Ditlhaloso Tsa Mafoko.
^ Seheb., “kwa tlhogong.”
^ Kgotsa “Boelang morago fa ke lo kgalemela.”
^ Seheb., “ba tla ja maungo.”
^ Kgotsa “kgakololo; dithulaganyo.”
