A go Betšha go Phoso?
Karabo ya Baebele
Tota le fa Baebele e sa bue thata ka go betšha, melaometheo ya Baebele e re bontsha gore Modimo o leba go betšha go le phoso.—Baefeso 5:17. a
Go betšha go tlhotlhelediwa ke bopelotshetlha, e leng sengwe se Modimo a se tlhoileng. (1 Bakorintha 6:9, 10; Baefeso 5:3, 5) Batho ba ba betšhang ba solofela go amogela madi ka go latlhegelwa ga ba bangwe mme Baebele e kgala go eletsa dithoto tsa batho ba bangwe.—Ekesodo 20:17; Baroma 7:7; 13:9, 10.
Go betšha, tota le fa e le ka madi a a kwa tlase, go ka tsosa lorato lwa rata madi.—1 Timotheo 6:9, 10.
Gantsi batho ba ba betšhang ba ikaega ka bodimona kgotsa ka go nna lesego. Go na le moo, ditumelo tseno ke tsela nngwe ya go obamela medingwana, e leng sengwe se se kgatlhanong le kobamelo ya Modimo.—Isaia 65:11.
Baebele e kgothaletsa gore batho ba dire ka natla go na le gore ba nne le keletso ya go nna le sengwe se motho a sa se berekelang. (Moreri 2:24; Baefeso 4:28) Batho ba ba latelang se Baebele e se rotloetsang ba kgona go ja “dijo tse bone ka bobone ba di diretseng.”—2 Bathesalonika 3:10, 12.
Go betšha go ka tsosa moya wa go gaisana o o kgatlhanong le se Baebele e se buang.—Bagalatia 5:26.
a Mo Baebeleng, go betšha go umakiwa fela ka tlhamalalo ka nako ya fa masole a Roma a tshela bola kgotsa a betšha ka diaparo tsa ga Jesu.—Mathaio 27:35; Johane 19:23, 24.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
Mathata a Madi le Dikoloto—A Baebele e ka Thusa?
Madi a ka se ka a dira gore o itumele, mme melaometheo e menѐ ya Baebele e ka go thusa malebana le kafa o dirisang madi ka gone.
TSOGANG!
Kafa o ka Laolang ka Gone Tsela e o Dirisang Madi ka Yone
Sekaseka dikakantsho tse thataro tse di ka go thusang go laola tsela e o dirisang madi ka yone.
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.