Sinasamba natin si Jehova nang magkakasama sa mga pulong, asamblea, at kombensiyon. Pero ginagawa rin natin iyan kapag mag-isa tayo at kapag kasama ang pamilya natin. Ito ang ilan sa mga puwede nating gawin sa personal study at family worship natin:

• Maghanda para sa mga pulong. Puwede rin ninyong praktisin ang mga kakantahin at tulungan ang buong pamilya na makapaghanda ng komento.

• Magbasa ng isang ulat sa Bibliya. Pagkatapos, i-drawing ang nangyari sa ulat na iyon o isulat ang natutuhan mo.

• Magbasa ng isang panalangin na nasa Bibliya, at pag-isipan kung paano mo pa mapapasulong ang mga panalangin mo.

• Manood ng isang video na nasa jw.org. Pagkatapos, puwede ninyong pag-usapan ang mga nagustuhan ninyo sa video. Puwede mo ring isulat ang mga natutuhan mo.

• Maghanda para sa ministeryo. Puwede rin kayong magkaroon ng practice session.

• Obserbahan ang mga nilalang at pag-isipan o pag-usapan ang itinuturo nito tungkol kay Jehova. a