Ano ang sagot mo?

• Oo

• Hindi

• Siguro

Ang sabi ng Bibliya

‘Ihagis ninyo sa Diyos ang lahat ng inyong kabalisahan, sapagkat siya ay nagmamalasakit sa inyo.’ (1 Pedro 5:7) Tinitiyak ng Bibliya na matutulungan ka ng Diyos na harapin ang kabalisahan.

Ano pa ang matututuhan natin sa Bibliya?

• Sa tulong ng panalangin, magkakaroon ka ng “kapayapaan ng Diyos,” at mababawasan ang kabalisahan mo.—Filipos 4:6, 7.

• Makatutulong din sa iyo ang pagbabasa ng Salita ng Diyos para makayanan ang stress.—Mateo 11:28-30.

Naniniwala ang ilan . . . na bahagi na ng buhay ng tao ang kabalisahan at stress, samantalang naniniwala naman ang iba na mawawala lang ang kabalisahan sa kabilang-buhay. Ano sa palagay mo?

Ang sabi ng Bibliya

Aalisin ng Diyos ang mga dahilan ng kabalisahan. “Hindi na magkakaroon ng kamatayan, ni ng pagdadalamhati o ng paghiyaw o ng kirot pa man.”—Apocalipsis 21:4.

Ano pa ang matututuhan natin sa Bibliya?

• Sa ilalim ng pamamahala ng Kaharian ng Diyos, mamumuhay ang mga tao nang payapa at panatag.—Isaias 32:18.

• Hindi na maaalaala ang kabalisahan at stress.—Isaias 65:17.