Mga Kawikaan 24:1-34
24 Huwag kang mainggit sa masasamang tao,At huwag mong hangaring makasama sila,+
2 Dahil karahasan ang laman* ng puso nila,At kapahamakan ang lumalabas sa mga labi nila.
3 Naitatayo ang bahay* dahil sa karunungan,+At nagiging matatag ito dahil sa kaunawaan.
4 Dahil sa kaalaman, napupuno ang mga silid nitoNg lahat ng klase ng magaganda at mahahalagang kayamanan.+
5 Ang taong marunong ay malakas,+At dahil sa kaalaman, lalo pa siyang lumalakas.
6 Makipaglaban ka nang may mahusay na patnubay,+At may tagumpay* kapag marami ang tagapayo.+
7 Hindi maaabot ng mangmang ang tunay na karunungan;+Wala siyang nasasabi sa pintuang-daan ng lunsod.
8 Sinumang nagpaplano ng masamaAy tatawaging pasimuno ng kasamaan.*+
9 Ang mga plano ng mangmang* ay umaakay sa kasalanan,At nasusuklam ang mga tao sa manunuya.+
10 Kapag nanghihina ang loob mo sa panahon ng problema,*Mababawasan din ang lakas mo.
11 Iligtas mo ang mga dinadala sa kamatayan,At pigilan mo ang mga sumusuray-suray papunta sa katayan.+
12 Kung sasabihin mo, “Pero hindi namin alam iyon,”
Hindi ba alam ng Tagasuri ng puso* kung ano ang totoo?+
Oo, malalaman iyon ng Isa na nagbabantay sa iyoAt gagantihan niya ang bawat tao ayon sa ginagawa nito.+
13 Anak ko, kumain ka ng pulot-pukyutan dahil mabuti ito sa iyo;Ang purong pulot-pukyutan ay matamis.
14 Gayundin, tandaan mo na mabuti ang karunungan para sa iyo.+
Kapag nakita mo ito, magiging maganda ang kinabukasan moAt hindi mawawala ang iyong pag-asa.+
15 Huwag kang mag-abang malapit sa bahay ng matuwid para gawan siya ng masama;Huwag mong wasakin ang tirahan niya.
16 Dahil kahit mabuwal ang matuwid nang pitong ulit, babangon pa rin siya,+Pero ang masasama ay matitisod at lubusang mapapahamak.+
17 Kapag nabuwal ang kaaway mo, huwag kang matuwa,At kapag natisod siya, huwag magsaya ang puso mo;+
18 Dahil makikita iyon ni Jehova at hindi Siya matutuwa,At mawawala ang galit Niya sa kaaway mo.+
19 Huwag kang magalit* dahil sa masasama;Huwag kang mainggit sa kanila,
20 Dahil walang kinabukasan para sa sinumang masama;+Ang lampara ng masasama ay papatayin.+
21 Anak ko, matakot ka kay Jehova at sa hari.+
At huwag kang makisama sa mga rebelde*+
22 Dahil bigla silang babagsak.+
Sino ang nakaaalam kung paano nila* sila lilipulin?+
23 Ang mga pananalitang ito ay para din sa marurunong:
Hindi mabuti ang di-patas na paghatol.+
24 Ang sinumang nagsasabi sa masama, “Matuwid ka,”+
Ay susumpain ng mga bayan at tutuligsain ng mga bansa.
25 Pero mapapabuti ang mga sumasaway sa kaniya;+Pagpapalain sila ng mabubuting bagay.+
26 Hahalikan ng bayan ang mga labi ng nagsasalita nang tapat.*+
27 Planuhin mo ang gagawin mo sa labas at ihanda mo ang iyong bukid;At saka ka magtayo ng iyong bahay.*
28 Huwag kang tumestigo laban sa iyong kapuwa nang walang basehan.+
Huwag mong gamitin ang mga labi mo para manlinlang.+
29 Huwag mong sabihin: “Gagawin ko sa kaniya ang ginawa niya sa akin;Pagbabayarin ko siya sa ginawa niya.”*+
30 Dumaan ako sa tabi ng bukid ng taong tamad,+Sa tabi ng ubasan ng taong kulang sa unawa.*
31 Nakita kong tinubuan na ito ng panirang-damo;Natabunan ito ng matitinik na halaman,At giba ang batong pader nito.+
32 Nakita ko ito at isinapuso;Nakita ko ito at natutuhan ang aral na ito:*
33 Kaunti pang tulog, kaunti pang idlip,Kaunti pang paghahalukipkip para magpahinga,
34 At biglang darating sa iyo ang kahirapan na parang magnanakaw,At ang kakapusan na parang armadong lalaki.+
Talababa
^ O “binubulay-bulay.”
^ O “Nagiging matibay ang sambahayan.”
^ O “kaligtasan.”
^ O “eksperto sa mga pakana.”
^ O “Ang mangmang na mga plano.”
^ O “sa araw ng kapighatian.”
^ O “motibo.”
^ O “mainis; mag-init.”
^ O “sa mga gusto ng pagbabago.”
^ Si Jehova at ang hari.
^ O posibleng “Ang deretsahang pagsagot ay gaya ng paghalik.”
^ O “magtatag ng sambahayan.”
^ O “Gaganti ako.”
^ Lit., “kapos ang puso.”
^ Lit., “tinanggap ko ang disiplina:”