Isaias 48:1-22
48 Pakinggan ninyo ito, O sambahayan ni Jacob,Kayong tumatawag sa inyong sarili na Israel+At nagmula sa tubig ng* Juda,Kayong sumusumpa sa ngalan ni Jehova+At tumatawag sa Diyos ng Israel,Pero hindi ayon sa katotohanan at katuwiran.+
2 Dahil sinasabi nilang nakatira sila sa banal na lunsod+At humihingi sila ng tulong sa Diyos ng Israel,+Na ang pangalan ay Jehova ng mga hukbo.
3 “Ang mga nangyari na* ay matagal ko nang sinabi sa inyo.
Lumabas ang mga iyon sa sarili kong bibig,At ipinaalám ko ang mga iyon.+
Pagkatapos, kumilos ako agad, at nangyari ang mga iyon.+
4 Dahil alam ko kung gaano katigas ang ulo mo—Na ang leeg mo ay litid na bakal at ang noo mo ay tanso+—
5 Matagal ko nang sinabi sa iyo.
Bago pa iyon mangyari, sinabi ko na sa iyo,Para hindi mo masabi, ‘Ang idolo ko ang gumawa nito;Ang aking inukit na imahen at ang aking metal na imahen ang nag-utos nito.’
6 Narinig mo at nakita ang lahat ng iyon.
Hindi mo ba iyon sasabihin sa iba?+
Mula ngayon ay maghahayag ako sa iyo ng mga bagong bagay,+Pinakaiingatang mga lihim na hindi mo pa nalalaman.
7 Ngayon pa lang nililikha ang mga ito, at hindi pa noon,Mga bagay na ngayon mo lang narinig,Para hindi mo masabi, ‘Alam ko na ang mga iyan!’
8 Hindi, hindi mo pa ito narinig,+ hindi mo pa ito alam,At hindi bukás ang mga tainga mo noon.
Dahil alam kong napakataksil mo,+At tinatawag ka nang rebelde mula pa noong isilang ka.+
9 Pero alang-alang sa pangalan ko ay magpipigil ako ng galit;+Para sa kapurihan ko ay pipigilan ko ang sarili koAt hindi kita pupuksain.+
10 Dinalisay kita, pero hindi gaya ng pilak.+
Sinubok* kita sa tunawang hurno ng pagdurusa.+
11 Para sa sarili ko, para sa sarili ko ay kikilos ako,+Dahil hindi ko hahayaang malapastangan ako.+
Hindi ko ibibigay* ang kaluwalhatian ko kahit kanino.
12 Pakinggan mo ako, O Jacob, at Israel, na tinawag ko.
Hindi ako nagbabago.+ Ako ang una; ako rin ang huli.+
13 Ang sarili kong kamay ang gumawa ng pundasyon ng lupa,+At ang kanang kamay ko ang naglatag ng langit.+
Kapag tinatawag ko sila, magkasama silang tumatayo.
14 Magtipon kayo, kayong lahat, at makinig.
Sino sa kanila ang naghayag ng mga bagay na ito?
Inibig siya ni Jehova.+
Gagawin niya ang gusto Niya laban sa Babilonya,+At ang bisig niya ay magiging laban sa mga Caldeo.+
15 Ako mismo ang nagsabi nito, at tinawag ko siya.+
Dinala ko siya, at magtatagumpay siya sa gagawin niya.+
16 Lumapit kayo sa akin, at pakinggan ninyo ito.
Mula pa nang pasimula ay hindi ako nagsalita nang palihim.+
Mula nang mangyari iyon ay naroon na ako.”
At ngayon ay isinugo ako ng Kataas-taasang Panginoong Jehova at ang* espiritu niya.
17 Ito ang sinabi ni Jehova, ang iyong Manunubos, ang Banal ng Israel:+
“Ako, si Jehova, ang iyong Diyos,Ang nagtuturo sa iyo para makinabang ka,*+Ang pumapatnubay sa iyo sa daan na dapat mong lakaran.+
18 Kung magbibigay-pansin ka lang sa mga utos ko,+
Ang kapayapaan mo ay magiging gaya ng ilog+At ang katuwiran mo ay magiging gaya ng mga alon sa dagat.+
19 Ang mga supling* mo ay magiging sindami ng buhangin,At ang mga inapo mo, sindami ng mga butil nito.+
Ang pangalan nila ay hindi mapapawi o maglalaho sa harap ko.”
20 Lumabas kayo mula sa Babilonya!+
Tumakas kayo mula sa mga Caldeo!
Ihayag ninyo iyon nang may hiyaw ng kagalakan! Ibalita ninyo iyon!+
Ihayag ninyo iyon hanggang sa mga dulo ng lupa.+
Sabihin ninyo: “Tinubos ni Jehova ang lingkod niyang si Jacob.+
21 Hindi sila nauhaw noong inaakay niya sila sa mga disyerto.+
Nagpaagos siya ng tubig mula sa bato para sa kanila;Biniyak niya ang isang bato at pinabulwak mula rito ang tubig.”+
22 “Walang kapayapaan para sa masasama,” ang sabi ni Jehova.+
Talababa
^ O posibleng “nagmula kay.”
^ Lit., “mga unang bagay.”
^ O “Sinuri.” O posibleng “Pinili.”
^ O “ibabahagi.”
^ O “kasama ang.”
^ O “para sa ikabubuti mo.”
^ Lit., “Ang binhi.”