Noong Setyembre 26, 2024, nag-landfall ang napalakas na bagyong Helene sa Gulf Coast ng Florida, U.S.A. Nagdulot ito ng malalakas na buhos ng ulan at pabugso-bugsong hangin na may bilis na hanggang 225 kilometro kada oras. Noong Setyembre 27, binayo naman ng bagyong Helene ang Georgia na may pabugso-bugsong hangin na may bilis na mahigit 95 kilometro kada oras. Kinabukasan, nagpatuloy ito pahilaga sa South Carolina, kung saan nagkaroon ng tatlong buhawi. Nang makarating ito sa North Carolina, umabot nang 90 sentimetro ang tubig sa ilang lunsod doon.

Dahil sa malalakas na hangin at matinding pag-ulan na dala ng bagyong Helene, bumaha at nasira ang mga bahay, negosyo, at kalsada. Nawalan din ng kuryente ang mahigit isang milyong tao. Mga 180 ang namatay.

• Nakakalungkot, tatlong kapatid natin ang namatay

• 7 kapatid ang nasugatan

• 1,606 na kapatid ang lumikas

• 29 na bahay ang nawasak

• 236 na bahay ang nasira nang husto

• 779 na bahay ang bahagyang nasira

• 1 Kingdom Hall ang nasira nang husto

• 19 na Kingdom Hall ang bahagyang nasira

• Pinapatibay at tinutulungan ng mga tagapangasiwa ng sirkito at lokal na mga elder ang mga naapektuhan ng bagyo

• Bumuo ng 2 Disaster Relief Committee para organisahin ang pagtulong sa mga naapektuhan ng bagyo

Nalulungkot tayo sa mga namatay dahil sa napakalakas na bagyong ito. Pero nakakasumpong tayo ng kaaliwan at kapayapaan sa pangako ni Jehova na sa hinaharap, lahat ng tao, ay “mamumuhay nang panatag at hindi matatakot sa anumang kapahamakan.”—Kawikaan 1:33.