Sa buong kasaysayan ng South Korea, ngayon lang nagbigay ang pamahalaan nito ng alternatibong serbisyong pansibilyan para sa mga tumatangging magsundalo dahil sa konsensiya. Noong Oktubre 26, 2020, 63 kapatid natin ang tumanggap ng alternatibong serbisyong ito. Maglilingkod sila nang tatlong taon sa isa sa dalawang correctional facility. Kasama sa trabaho nila ang pagluluto, pamimili, pagtuturo, pagpapanatili ng kalinisan, at pagmamantini. Ayon sa kasalukuyang mga patakaran, pagkatapos maglingkod nang dalawang buwan ng mga brother, kalahati sa kanila ang puwedeng lumabas ng pasilidad pagkatapos ng trabaho para makadalo sa pulong at makapangaral. Pero kailangan nilang makabalik nang 9 p.m.

Sinabi ni Brother Kim Hyun-soo, isa sa 63: “Kahit na hindi nasusunod ng alternatibong serbisyong ito ang lahat ng internasyonal na patakaran, tinanggap ko pa rin ito kasi wala naman itong kinalaman sa paglilingkod sa militar.”

Nagtitiwala tayo na patuloy na magbibigay ng kapurihan at karangalan kay Jehova ang tapat na mga kabataang brother na ito sa South Korea dahil sa “mabubuting ginagawa” nila.—Mateo 5:16.