Mula pa noong Oktubre 7, 2023, matindi na ang bakbakan sa Israel at Gaza Strip. Daan-daang libo ang kinailangang lumikas. Ayon sa mga ulat, mga 4,200 tao na ang namamatay.

• Walang kapatid na namatay o nasaktan

• 93 kapatid ang lumikas

• 3 bahay ang bahagyang napinsala

• Walang nasirang Kingdom Hall

• Pinapatibay at tinutulungan ng mga tagapangasiwa ng sirkito at lokal na mga elder ang mga naapektuhan

• Isang Disaster Relief Committee ang inatasang mangasiwa sa pagtulong sa relief work

Hindi pinababayaan ng mga kapatid natin sa mga apektadong lugar ang espirituwalidad nila. Nagpupulong pa rin sila sa pamamagitan ng videoconference. Sinabi ng isang tagapangasiwa ng sirkito: “Napakahirap mabuhay araw-araw nang hindi mo alam kung ano ang susunod na mangyayari, pero nakakapagpatibay ang pananampalataya ng mga kapatid at ang mapagsakripisyong pag-ibig nila sa isa’t isa.”

Sabik na sabik na tayong matupad ang pangako ng Bibliya na ‘titigil na ang mga digmaan sa buong lupa.’—Awit 46:9.