LEHONA 02

Kua Fakailoa mai i te Tuhi Paia he Fakamoemoe

TᾹ

Kua feagai ia tagata i ho he koga o te lalolagi ma na fakafitauli ma kua iku ai ki te fakanoanoa, popolega, ma te tigā. Na kua fehagai nei koe ma ni fakafitauli na iku ai ona ke lagona ni fakalagona vena? Atonu ko koe e mafatia ona ko he tauale pe ko he tino e pele ia te koe kua oti. E ono fehili ifo koe, ‘E iei nei he vaifofō o na fakafitauli o te olaga?’ Kua haunia e te Tuhi Paia he tali fakamalie loto ki te fehili tena.

1. Ko heā te fakamoemoe o te lumanaki kua fakailoa mai i te Tuhi Paia?

E he gata kua fakamatala mai i te Tuhi Paia te mafuaaga kua tumu ai te lalolagi i na fakafitauli, ka kua fakailoa mai foki te talalelei e fakatatau ki na fakafitauli ienā, e he gata e he ni mea e tumau kae kua toetiti lava oi kavekehe. Ko na folafolaga a te Tuhi Paia e mafai ke “avatu iā te outou se lumanaʻi ma se faamoemoe.” (Faitau te Ieremia 29:11, 12.) Ko na folafolaga ienā e mafai ke fehoahoani ki a te ki tatou ke onohai ai na fakafitauli i te taimi nei, iei he kikilaga hako, ma maua he fiafia tumau.

2. He itukaiga lumanaki vefea te kua fakamatala mai e te Tuhi Paia?

Kua fakamatala mai e te Tuhi Paia te taimi i te lumanaki ka “lē toe iai se oti, po o se faanoanoa, po o se tagiauē, e lē toe iai foʻi se tigā.” (Faitau te Faaaliga 21:4.) Ko na fakafitauli e ono mafua ai na mafatiaga—e ve ko te mativa, na faiga fakapikopiko, na tauale, ma te oti—ka he toe iei. Kua folafola mai e te Tuhi Paia e mafai ia tagata ke ola fakavavau i luga o he lalolagi Palataiho.

3. E vefea ona ke mautinoa ka taunuku moni na folafolaga a te Tuhi Paia?

E tokalahi ia tagata e naunau ke taunuku na mea lelei e fofou ki latou ki ei, kae e he ki latou mautinoa pe mafai moni ona taunuku na mea ienā. E kehe mai ai ma na folafolaga a te Tuhi Paia. E mafai ke atiake to tatou fakatuatua ki ana folafolaga e ala i te “matuā iloiloina o Tusitusiga Paia.” (Galuega 17:11) Ko au hukehukega o te Tuhi Paia, e mafai ai ke fai hau filifiliga pe talitonu koe ki na mea e taku mai ai e fakatatau ki te lumanaki.

HAKILIKILI ATILI

Iloilo ietahi tulaga kua taku mai e te Tuhi Paia e fakatatau ki te lumanaki. Kikila pe vefea ona fehoahoani te fakamoemoe i te Tuhi Paia ki tagata i na aho nei.

4. Kua folafola mai e te Tuhi Paia te fakamoemoe o te ola fakavavau i he tulaga lelei katoatoa

Kikila ki te lihi o na folafolaga e maua i te Tuhi Paia. Ni a ni folafolaga e fiafia koe ki ei? Aiheā?

Faitau na mau i tafa o na folafolaga, oi talanoa ai na fehili ienei:

I tau kikila e aogā na mau ienei ki a te koe? I tau kikila e aogā ki o kaiga ma au uō?

Fakaata te ola i he lalolagi

E HE TOE IEI . . .	KO TAGATA UMA . . .
he tiga, tino matua, pe ko te oti.—Isaia 25:8.	ka fiafia i te toe fakatutū mai o ki latou e pele kua feoti.—Ioane 5:28, 29.
he tauale pe ko te faitauale.—Isaia 33:24; 35:5, 6.	ka toe maua te ola soifua malolo lelei ma toe fakafou te malohi e ve ko te malohi ka koi talavou.—Iopu 33:25.
ni faiga fakapikopiko. —Isaia 32:16, 17.	ka lahi na meakai, na fale mananaia, ma maua na galuega fakamalie loto.—Salamo 72:16; Isaia 65:21, 22.
ni mafatiaga ona ko na taua. —Salamo 46:9.	ka maua te lahi o te filemu.—Salamo 37:11.
ni lagona tiga ona ko te toe manatua o na mea kua teka.—Isaia 65:17.	ka ola fakavavau i he tulaga lelei katoatoa.—Salamo 37:29.

5. E mafai e na folafolaga a te Tuhi Paia ona fakaleleia te olaga

E tokalahi ia tagata e lagona te loto vaivai ma pa atu ai lava ki te loto ita ona ko na fakafitauli e hikomia ai ki latou. Kua taumafai malohi ietahi ke fakalelei te tulaga o te olaga. E vefea ona fehoahoani ki tagata i na aho nei te folafolaga a te Tuhi Paia e uiga ki te fakaleleia o te tulaga o te olaga. Fakaali te VITIŌ, oi talanoa ai ki na fehili ienei.

VITIŌ: Ko Au Na Fofou Ke Fakaheai Na Faiga Fakapikopiko (4:07)

I te vitiō, ni a ni faiga fakapikopiko na feagai ma Rafika?
E ui lava e heki kavekehea na faiga fakapikopiko, kae na vefea ona fehoahoani te Tuhi Paia ki a te ia?

E mafai ona fehoahoani te fakamoemoe mo te lumanaki i te Tuhi Paia ke kavekehe ai te loto vaivai ma manumalo ai ki tatou i o tatou fakafitauli. Faitau te Faataoto 17:22 ma te Roma 12:12, oi talanoa ai na fehili ienei:

E mafai nei e te fakamoemoe i te Tuhi Paia oi fakalelei to olaga i te taimi nei? Aiheā?

LEAMAI IETAHI TINO: “E he mautinoa pe taunuku moni na folafolaga a te Tuhi Paia e fakatatau ki te lumanaki.”

Aiheā e tāua ai te iloilo o na fakamaoniga?

OTOOTOGA

Kua foki mai e te Tuhi Paia te fakamoemoe ma te fehoahoani ki a te ki tatou ke feagai ai ma na lukitau, e ala i te folafola mai o he lumanaki fiafia.

Fehili Autalu

Heā te tatau ai ona iloa e tagata te fakamoemoe?
Heā te kua taku mai e te Tuhi Paia e fakatatau ki te lumanaki?
E vefea te iei o he fakamoemoe mo te lumanaki ona fehoahoani ki a te ki tatou i te taimi nei?

Te aho na uma ai te lehona:

Hini

Fakamahani ki na folafolaga a te Tuhi Paia e ala i te faitau ki na mau o te lehona tenei.

Ietahi hini:

O tahi hini:

MANATU FAKAOPOOPO

Akoako atili te auala e fehoahoani ai te fakamoemoe ki a te koe.

“Faamoemoe—O Fea E te Maua Ai?” (Ala Mai!, Iulai-Setema 2004)

Iloilo pe vefea ona fehoahoani te fakamoemoe mo te lumanaki ki a te ki latou e feagai ma na tauale matuiā.

“Aafia i se Maʻi Faaumiumi—Pe e Mafai Ona Fesoasoani le Tusi Paia iā te Oe? (Mataupu i le jw.org)

Kafai e matamata ki te vitiō o na muhika, fakaata ko koe e fiafia fakatahi ma to kaiga, i loto o te palataiho kua folafola mai e te Tuhi Paia mo te lumanaki Palataiho.

Faaāta le Taimi (3:37)