Ko te fekau kautu lava a te Tuhi Paia, e fakatatau atu ki te Mālō o te Atua. Ka fakaaogā e Ieova te Mālō tenā ke fakataunuku ai tona finagalo na iei mo te lalolagi. Ko heā te Mālō tenā? E vefea ona ki tatou iloa kua pule te Mālō tenā? Ko ni a na mea kua uma te fakataunuku e te Mālō? Ma ko ni a ni mea ka fakataunuku i te lumanaki? Ka tali na fehili ienei i te lehona tenei, ma na lehona e lua ka hohoko mai.

1. Ko heā te Mālō o te Atua, ma ko ai te ka kavea ma Tupu?

Ko te Mālō tenei ko he faigāmālō kua fakavae e Ieova te Atua. Ko tona Pule ko Iesu Keriso, ma e pule mai i te lagi. (Mataio 4:17; Ioane 18:36) Kua leamai te Tuhi Paia e uiga kia Iesu: “O le a fai o ia ma Tupu . . . e faavavau.” (Luka 1:32, 33) I te kavea o Iesu ma Tupu o te Mālō o te Atua, ka pule mai ai ia ki tagata uma i luga o te lalolagi.

2. Ko ai te pule fakatahi ma Iesu?

E he na ko Iesu te ka kavea ma pule. E iei na tino “mai i ituaiga uma, ma gagana uma, ma nuu uma, ma atunuu uma . . . e latou te pule mai fo’i o ni tupu i le lalolagi.” (Faaaliga 5:9, 10) E tokafia ki latou ka pule fakatahi ma Keriso? E faitau miliona ia Kelihiano kua kavea ma hoko o Iesu, talu mai te taimi na afio mai ai ia ki te lalolagi. Kae e na ko te 144,000 ki latou e o atu ki te lagi ke pule fakatahi ma Iesu. (Faitau te Faaaliga 14:1-4.) Ko ietahi Kelihiano uma i te lalolagi ka kavea ki latou ma tagatānuku o te Mālō.—Salamo 37:29.

3. Aiheā e hili atu ai te Faigāmālō a te Atua nailo na faigāmālō a tagata?

E tuha pe taumafai na takitaki o mālō ke fai na mea lelei, kae e he ia te ki latou te malohi ke fakataunuku ai na mea uma e fofou ki latou ke fai. Ka koi fakagaholo te taimi, ka huia ki latou e ietahi takitaki manatu fakapito ma e he fofou ke fai ni mea lelei mo tagata. Kae e he mafai e he tino oi huia te pule o te Mālō o te Atua, ko Iesu. Kua ‘faatūina e le Atua … le mālō e lē faaumatia lava.’ (Tanielu 2:44) Ka pule mai ia Iesu ki te lalolagi katoa, ma e he ia fakaalia te fakailoga tagata. Kae ka ia fakaalia te alofa, te agalelei ma te fakamahino tonu, ma ka ia akoakoa ia tagata ke venā foki ona ki latou faia ki ietahi tino.—Faitau te Isaia 11:9.

7. E hili atu te lelei o na tulafono a te Mālō o te Atua

E haunia e te faigāmālō a tagata ni tulafono mo te lelei ma te puipuiga o na tagatanuku. E iei foki na tulafono a te Mālō o te Atua e tatau ona uhitaki ki ei ona tagatanuku. Faitau te 1 Korinito 6:9-11, ma talanoa na fehili ienei:

• Tau kikila ka vefea te lalolagi kafai e mulimuli uma ia tagata ki na tulafono tauamio a te Atua? a

• Tau kikila e talafeagai te fakatalitalia e Ieova na tagatanuku o te Mālō ke uhitaki ki na tulafono ienei? Aiheā?

• E vefea ona ki tatou iloa e mafai e he tino he uhiuhitaki ki na tulafono ienei oi fai ni huiga?—Kikila ki te fuaikupu 11.

 OTOOTOGA

Ko te Mālō o te Atua ko he faigāmālō moni i te lagi, ka pule mai ki te lalolagi katoa.

Fehili Autalu

• Ko ai na pule o te Mālō o te Atua?

• E vefea ona hili atu te Mālō o te Atua nailō te faigamālō a tagata?

• Ko ni a ni mea e fakatalitalia e Ieova mai na tagatanuku o te Mālō?