LEHONA 17

E Vefea ia Uiga o Iesu?

TᾹ

Ko te ki tatou iloilogia o na fetalaiga a Iesu ma na mea na ia faia ka ko iei i te lalolagi, e ki tatou iloa ai na uiga e mafai ke tohina atu ai ki tatou ki a te ia, ma tona Tamana ko Ieova. Ni a ni ietahi o na uiga ienei? E vefea ona fakatakitaki ki tatou ki a Iesu i te auala e ola ai ki tatou?

1. Ko ni a ni auala e ve ai ia Iesu ko tona Tamana?

Ka ko iei ia Iesu i te lagi, nae kikila atu ki tona Tamana alofa ma akoako mai ai e ia te lahi o na mea mo te faitau piliona o tauhaga. Ko te ikuga, ko ona mafaufauga, ma ona lagona, ma ana gaoioiga kua ve lava ko tona Tamana. (Faitau te Ioane 5:19.) Ko te mea moni, nae fakaatagia katoa mai e Iesu na uiga o tona Tamana, na lea ve mai: “O lē ua vaai mai iā te aʻu, ua vaai foʻi o ia i le Tamā.” (Ioane 14:9) Ko to akoakoa o na uiga o Iesu e mafai ai ke kē iloa atili e fakatatau ki a Ieova. Mo he fakatakitakiga, ko te alofa mutimutivale o Iesu ki tagata, e fakaali mai ai te alofa o Ieova ki a te koe.

2. Na vefea ona fakaali mai e Iesu tona alofa ki a Ieova?

Na leamai ia Iesu: “Ina ia iloa e le lalolagi ou te alofa i le Tamā, ma ua tuuina mai e le Tamā iā te aʻu poloaʻiga ina ia ou faia, o lea ua ou faia ai.” (Ioane 14:31) Kae ko i te lalolagi ia Iesu, na fakaali e ia te lahi o tona alofa ki tona Tamana, e ala i te uhitaki ki a te ia e tuha lava pe faigatā mo ia ke fai. Na fiafia foki ia Iesu oi talanoa e fakatatau ki tona Tamana ma fehoahoani foki ki ietahi ke atiake he faiā ma Ieova—Ioane 14:23.

3. Na vefea ona fakaali atu e Iesu tona alofa ki tagata?

Kua takua mai e te Tuhi Paia, na “matuā fiafia [Iesu] i le fanau a tagata.” (Faataoto 8:31) Na ia fakaalia te alofa e ala i te fakalakeikau atu, ma te fehoahoani atu ma e he manatu fakapito ki tagata. Ko na vavega na ia faia kua fakailoa mai ai e he gata e ia te ia te mana, kae e alofa mutimutivale foki. (Mareko 1:40-42) Na feagai ia ma tagata i he auala agalelei ma te he fakailoga tagata. Ko ana fetalaiga na maua ai he fakamalohiaga ma kavatu ai te fakamoemoe ki tagata loto fakamaoni ma naunau ke fakalogo atu ki a te ia. Na lotomalie ia Iesu ke faikino ia ma maliu ona ko tona alofa ki tagata. Kae na hili atu tona alofa ki a te ki latou na mulimuli atu ki ana akoakoga.—Faitau te Ioane 15:13,14.

HAKILIKILI ATILI

Akoako atili e fakatatau ki uiga o Iesu, ma iloilo pe vefea ona ki tatou fakaalia te alofa ma te lima foaki, e ve ko ia.

4. E alofa ia Iesu ki tona Tamana

Ko te fakaakoakoga a Iesu kua akoako ai e ki tatou te auala e fakaalia ai te tatou alofa ki te Atua. Faitau te Luka 6:12 ma te Ioane 15:10; 17:26. Faitau na mau takitahi ma talanoa te fehili tenei:

E vefea ona fakaakoako ki tatou ki a Iesu i te fakaalia o te alofa mo Ieova?

Nae alofa ia Iesu ki tona Tamana i te lagi ma talanoa e he aunoa atu ki a te ia e ala i te tatalo.

5. Na manatu mamafa ia Iesu ki na manakoga o tagata

Na fakamuamua e Iesu na manakoga o ietahi tino nailō ia. E pa ki na taimi nae fitā lahi ai, na ia fakaaogā tona taimi ma tona malohi ke fehoahoani atu ai ki tagata. Faitau te Mareko 6:30-44, ma talanoa ai ki na fehili ienei:

E tuha ai ma te mau, ko ni a ni auala na fakaali ai e Iesu tona manatu mamafa ki tagata?—Kikila ki na fuaikupu 31, 34, 41 ma te 42.
Heā te na naunau ai ia Iesu ke fehoahoani atu ki tagata?—Kikila ki te fuaikupu 34.
Auā na fakaata mai e Iesu, ni uiga e o Ieova, heā la te kua ke akoako mai e fakatatau ki a Ieova?
Ko ni a ni ietahi auala e mafai ai ki tatou ke fakatakitaki ki a Iesu i tona manatu mamafa ki ietahi tino?

6. Na fakaalia e Iesu te lima foaki

Na fakaalia e Iesu te lima foaki e ui lava nae he lahi ni ana meafaitino, ma na fakalakeikau mai foki ki tatou ke fai ve. Faitau te Galuega 20:35, ma talanoa te fehili tenei:

E tuha ai ma te fetalaiga a Iesu, e vefea ona ki tatou maua te fiafia?

Fakaali te VITIŌ, ma talanoa te fehili tenei.

VITIŌ: “E Hili Atu te Fiafia e Maua mai i te Lima Foaki”—Vitiō Pukupuku (4:00)

Ni a ni auala e mafai ai ke ki tatou fakaalia te lima foaki, e tuha lava pe he lahi ni a tatou meafaitino?

E ke iloa?

Kua akoako mai ki tatou e te Tuhi Paia ke tatalo atu ki a Ieova e ala i te igoa o Iesu. (Faitau te Ioane 16:23,24.) Ko te fai veia, e fakaali ai e ki tatou te loto fakafetai ki te fehoahoani mai o Iesu ki a te ki tatou ke kavea ma uō a Ieova.

LEAMAI IETAHI TINO: “E he manatu mamafa mai te Atua ki o tatou mafatiaga.”

E vefea ona fakamaonia mai i na gaoioiga a Iesu ka ko i te lalolagi, e manatu mamafa mai ia Ieova ki a te ki tatou?

OTOOTOGA

E alofa ia Iesu ki a Ieova, ma e alofa foki ki tagata. Ko Iesu e ve ko tona Tamana. Ko te lahi o to iloa e fakatatau ki a Iesu ko te lahi foki tenā o te ke iloa o Ieova.