Zebur 83:1—18
Asafyň aýdymy+.
83 Eý Hudaý, sesiňi çykarman durma!+Eý Mukaddes Alla, dymyp durma, bir zatlar et!
2 Seret, duşmanlaryň gygyryşýar+,Seni ýigrenýänler baş galdyrýar.
3 Mekirlik bilen halkyňa garşy dil düwüşýärler,Seniň eziz halkyňa garşy hile gurýarlar.
4 Olar: «Ýörüň, ol halky gyryp taşlalyň+,Ysraýylyň ady ýitip gider ýaly edeliň» diýýär.
5 Olar jem bolup, hile gurýarlar,Halklar saňa garşy äht baglaşýarlar+.
6 Edom çadyry, ysmaýyllar, mowaplar+, hagarlar+,
7 Geballylar, ammonlar+, amalekler,Pilişt+ we Tir+ halky äht baglaşýarlar.
8 Assiriýa+ hem olara goşulýar.Olaryň ählisi Lutuň ogullaryny+ goldaýar. (Sela)
9 Olary midýanlaryň gününe sal+,Kişon jülgesinde Siserany we Ýabini edişiň ýaly et+.
10 Olar Endorda+ derbi-dagyn edildiler,Toprak üçin ders boldular.
11 Goý, olaryň begleri Orebiň we Zeýebiň+ gününe,Hanlary Zebanyň we Zalmunyň gününe düşsünler+.
12 Sebäbi olar: «Hudaýyň mekanyny basyp alalyň» diýdiler.
13 Eý Hudaý, olar guran ýandak deý+,Şemala tozaýan saman deý bolsunlar.
14 Tokaýy ýakyp kül eden ýalyn kimin,Daglary gara kömür eden alaw kimin+,
15 Olaryň yzyndan tüweleý bilen ýet+,Harasat turzup, olary gorkuz+.
16 Eý Ýehowa, olary masgara et,Şonda seniň adyňy çagyrarlar.
17 Olar masgara bolsunlar, ebedilik gorkup ýaşasynlar,Utanja galsynlar, ýer ýüzünden ýok bolsunlar.
18 Goý, älem-jahan seniň adyň Ýehowadygyny bilsin+,Diňe seniň Allatagaladygyňa* düşünsin+.
